បរទេស៖ លោក Erik ten Hag គ្រូបង្វឹកអចិន្រ្តៃយ៏ថ្មីក្លឹប Man. United មានបំណងចង់នាំយកខ្សែបម្រើ James Ward-Prowse មកកាន់ទឹកដី Old Trafford ក្នុងអំឡុងពេលទីផ្សារដោះដូរកីឡាករនិងបើកនៅរដូវក្តៅនេះ។
ម្ចាស់ជើងឯកអង់គ្លេស ២០ សម័យមានបំណងចង់បានខ្សែបម្រើថ្មីពីររូបដើម្បីមកជំនួសតំណែង Paul Pogba និង Nemanja Maticដែលត្រៀមចាកចេញទៅរកទ្រនំថ្មីនោះ។ យោងគេហទំព័រ The Sun បានចុះផ្សាយថាប្រធានក្រុម Southampton ដែលមានជំនាញស៊ុតបាល់ហ្រ្វីឃីក លោក Ward-Prowse គឺជាគោលដៅផ្ទេររបស់អ្នកចាត់ការសញ្ជាតិហូឡង់ដែលមានតម្លៃ៧៥ លានផោន។ កីឡាករវ័យ 27 ឆ្នាំរូបនេះបានរីករាយនឹងយុទ្ធនាការដ៏គួរឱ្យចាប់អារម្មណ៍មួយសម្រាប់ក្រុម Southampton ដោយស៊ុតបញ្ចូលទីបាន 10 ដង និងបញ្ជូនបាល់ឱ្យមិត្តរួមក្រុមចំនួន 8 ដងក្នុងការបង្ហាញខ្លួនចំនួន 39 ដងនៅក្នុងការប្រកួតទាំងអស់។
រីកចម្រើនធំធាត់ក្នុងនាមយុវជនថ្នាលតាំងពីអាយុ ៨ ឆ្នាំ មុនពេលបង្ហាញខ្លួនក្នុងក្រុមដំបូងរបស់គាត់ក្នុងឆ្នាំ ២០១១Ward-Prowse ទើបតែបានចុះហត្ថលេខាលើកិច្ចព្រមព្រៀងរយៈពេលវែងនៅទឹកដី St Mary’s កាលពីខែសីហាឆ្នាំមុន ដោយមានសុពលភាពរហូតដល់ខែមិថុនា ឆ្នាំ ២០២៦ ដូច្នេះSouthampton និងមិនលក់កីឡាករឆ្នើមរូបនេះក្នុងតម្លៃទាបនោះទេ។ ចាប់តាំងពីពេលនោះមក Ward-Prowse បានចូលលេងអោយឈុតធំ៣៦១លើក នៅគ្រប់ការប្រកួតទាំងអស់ ដោយរកបាន៤៣ គ្រាប់ និង Assist ៤៨លើក៕
ប្រភពព័ត៍មាន៖ Sportsmole
