បរទេស៖ Manchester City ក្រុមនាំមុខកំពូលតារាង Premier League បានរងផលលំបាកបន្ថែមទៀតក្រោយពីកីឡាករ២រូបទៀតបានរងរបួសដែលក្នុងនោះគឺខ្សែការពារកណ្តាល Aymeric Laporte និងខ្សែបម្រើ-ការពារដែលជាប្រធានក្រុម Fernandinho ត្រូវបានប្តូរចេញក្នុងពេលទទួលជ័យជម្នះ ៥ទល់និង១ លើ ក្រុម Wolverhampton កាលពីយប់ថ្ងៃពុធ។
ការប្រកួតនៅទឹកដី Molineuxខ្សែការពារអន្តរជាតិបារាំងប៉ុន្តែចូលសញ្ជាតិអេស្បាញ Laporte ត្រូវបានដកចេញភ្លាមៗបន្ទាប់ពីលេងបាន៦០នាទី ជាមួយកាពីតែនក្រុមដែលធ្លាប់លេងជាអតីតខ្សែការពារ កណ្តាល Fernandinho ត្រូវបានប្តូរចេញដូចគ្នា នៅនាទី ៧៧ ។ ការពិតMan City ត្រូវអវត្តមានខ្សែការពារឆ្នើមបីរូបរួចហើយគឺ Ruben Dias, Kyle Walker និង John Stones ពេញមួយរដូវកាល ដោយសារបញ្ហារបួស ហើយឥឡូវនេះកីឡាករក្រុមទី ២ ពីររូបទៀតប្រឈមមុខនឹងការខកខានការប្រកួតលីកកំពូលពីរលើកចុងក្រោយនៃការប្រជែងពានរដូវកាលនេះជាមួយក្រុមគូប្រជែងLiverpoolដោយបន្តនាំមុខក្រុមលោកJurgen Klopp ចំនួន ៣ពិន្ទុ គិតត្រឹមសប្តាហ៏ទី៣៦។
Nathan Ake ដែលបានចូល ជំនួស Laporte បច្ចុប្បន្នបានដើរតួនាទីជាខ្សែការពារកណ្តាលតែម្នាក់របស់Man. City សម្រាប់ ការប្រកួតក្របខ័ណ្ឌ Premier League នៅថ្ងៃអាទិត្យចុងសប្តាហ៏នេះជាមួយក្រុមញញួរ West Ham United៕
ប្រភពព័ត៍មាន៖ Sportsmole
