បរទេស៖ ក្រុមឈ្នះកៅអី World Cup ជប៉ុន បាននិយាយ ពួកគេត្រៀមខ្លួនរួចរាល់ដើម្បីតេស្តសមត្ថភាពរបស់ខ្លួន នៅពេលដែលប្រកួតជាមួយនឹងក្រុមខ្លាំង ប្រេស៊ីល នៅសប្តាហ៍ក្រោយ ក្រោយពីពួកគេបានយកឈ្នះក្នុងលទ្ធផល ៤-១ លើក្រុមជម្រើសជាតិប៉ារ៉ាហ្គាយ ក្នុងទីក្រុង Sapporo កាលពីថ្ងៃព្រហស្បតិ៍។
ក្រុមម្ចាស់ជើងឯកអាស៊ី៤សម័យកាលមួយនេះ នឹងត្រូវប្រកួតជាមួយនឹងក្រុមបាល់ទាត់ជម្រើសជាតិ និង Neymar នាកីឡដ្ឋាន Olympic នាទីក្រុងតូក្យូ នៅថ្ងៃចន្ទ ដោយមានបំណងក្នុងការផ្តួលក្រុមអាមេរិកខាងត្បូងមួយនេះ ជាលើកដំបូង ក្នុងការប្រកួតមិត្តភាពអន្តរជាតិ។ ក្រុមរបស់លោក Hajime Moriyasu ចង់សាកល្បងពីសមត្ថភាពរបស់ខ្លួន នៅមុនពេលការប្រកួតព្រឹត្តិការណ៍ World Cup នារដូវរងា ក្រោយពីបានស្ថិតក្នុងពូលដែលប្រជុំដោយក្រុមខ្លាំងៗ នៅកាតា ដោយពួកគេស្ថិតនៅជាមួយនឹងក្រុមជម្រើសជាតិអាល្លឺម៉ង់ និងអេស្ប៉ាញ។
ខ្សែប្រយុទ្ធ Takuma Asano ដែលបានរកគ្រាប់បាល់បើកឆាកនៅពេលប្រកួតជាមួយនឹងក្រុមជម្រើសជាតិអ៊ុយរូហ្គាយ តាមរយៈការស៊ុតបាល់បញ្ចូលទីយ៉ាងល្អនោះ បាននិយាយថា៖ «យើងនឹងត្រូវប៉ះជាមួយនឹងក្រុមជម្រើសជាតិប្រេស៊ីល ហើយពួកគេនឹងលេងបាល់ក្នុងកម្រិតខ្ពស់។ យើងត្រូវតែរង់ចាំមើលអ្វីដែលយើងអាចធ្វើបានពេលប្រកួតជាមួយនឹងពួកគេ ហើយយើងត្រូវតែប្រឹងឲ្យពីសមត្ថភាព និងព្យាយាមរក្សាការទៅមុខជានិច្ច»៕
ប្រភពព័ត៌មាន៖ Channel News Asia
