បរទេស៖ ខ្សែប្រយុទ្ធ Lionel Messi បានស៊ុតបាល់បញ្ចូលពីទាំង៥គ្រាប់ ក្នុងពេលក្រុមបាល់ទាត់ជម្រើសជាតិអាហ្សង់ទីន បានកត់ត្រាជ័យជម្នះក្នុងលទ្ធផល ៥-០ លើក្រុមជម្រើសជាតិអេស្តូនី ក្នុងទីក្រុង Pamplona ប្រទេសអេស្ប៉ាញ កាលពីថ្ងៃអាទិត្យ។
លទ្ធផលនេះ មានន័យថា Messi ចូលរួមជាក្នុងបញ្ជីឈ្មោះមួយ ដែលមានតែកីឡាករ Juan Andres Marvezy និង Manuel Moreno ក្នុងការស៊ុតបាល់បញ្ចូលទី៥គ្រាប់ ក្នុងការប្រកួត១លើក សម្រាប់ក្រុមបាល់ទាត់ជម្រើសជាតិអាហ្សង់ទីន។ ម្ចាស់ពានរង្វាន់បាល់មាស Ballon d’Or ៧សម័យកាលរូបនេះ បានស៊ុតបាល់ពីចំណុចពិន័យ១១ម៉ែត្រ នៅនាទី ទី៨ បន្ទាប់មក បន្ថែមគ្រាប់បាល់៤គ្រាប់ទៀត នៅចន្លោះពេលតែកន្លះម៉ោង ពោលគឺនៅនាទី ទី៤៥, ៤៧, ៧១ និង៧៦។ គ្រាប់បាល់ទាំង៥គ្រាប់របស់គេ បានធ្វើឲ្យគ្រាប់បាល់សរុបរបស់គេសម្រាប់ក្រុមជម្រើសជាតិអាហ្សង់ទីន កើនដល់៨៦គ្រាប់។
ក្រុមរបស់លោក Lionel Scaloni មិនស្គាល់ចាញ់សោះក្នុងចំណោមការប្រកួត៣៣លើកចុងក្រោយ ដោយការចាញ់ជាលើកចុងក្រោយរប់សពួកគេ បានកើតឡើងក្នុងលទ្ធផល ២-០ ក្រោមស្នាដៃក្រុមជម្រើសជាតិប្រេស៊ីល ក្នុងការប្រកួតវគ្គពាក់កណ្តាលផ្តាច់ព្រ័ត្រនៃយុទ្ធនាការ Copa America ឆ្នាំ២០១៩។ ក្នុងព្រឹត្តិការណ៍ World Cup ជុំផ្តាច់ព្រ័ត្រក្នុងប្រទេសកាតា ចុងឆ្នាំនេះ អាហ្សង់ទិន ត្រូវបានចាប់ឆ្នោតស្ថិតក្នុងពូលជាមួយនឹងក្រុមជម្រើសជាតិម៉ិក អារ៉ាប៊ីសាអ៊ូឌីត និងប៉ូឡូញ៕
ប្រភពព័ត៌មាន៖ Channel News Asia
