បរទេស៖ Gavi បានក្លាយជាអ្នករកបានគ្រាប់បាល់វ័យក្មេងបំផុតរបស់ក្រុមបាល់ទាត់ជម្រើសជាតិអេស្ប៉ាញ ហើយកីឡាករ Inigo Martinez បានតែតបាល់តាមស្មើនៅជិតបញ្ចប់ការប្រកួត ខណៈដែលក្រុមបាល់ទាត់ជម្រើសជាតិអេស្ប៉ាញ បានបញ្ចប់ក្នុងលទ្ធផលស្មើ ២-២ ជាមួយនឹងក្រុមជម្រើសជាតិសាធារណៈរដ្ឋឆែក ក្នុងការប្រកួត Nations League នៅទីក្រុង Prague កាលពីថ្ងៃអាទិត្យ។
Gavi បានស៊ុតបាល់កោងចូលទីដោយជើងឆ្វេងរបសគេ យ៉ាងល្អ ក្នុងវ័យត្រឹមតែ១៧ឆ្នាំ និង៣០៤ថ្ងៃ ដើម្បីតាមស្មើក្នុងលទ្ធផល ១-១ ត្រឹមតង់ទី១។ ស្របពេលជាមួយគ្នានេះ Cristiano Ronaldo បានជួយឲ្យក្រុមជម្រើសជាតិព័រទុយហ្គាល់ លត់ក្រុមជម្រើសជាតិស្វ៊ីសយ៉ាងចាស់ដៃ ក្នុងការប្រកួត Nations League នៅថ្ងៃដដែលនោះ។ Ronaldo បានស៊ុតបាល់បញ្ចូលទី២គ្រាប់ ក្នុងចំណោមគ្រាប់បាល់ទាំង៤គ្រាប់ នៅតង់ទី១ ហើយទំនងដូចជាបានរកគ្រាប់បាល់ទី៣ទៅហើយ ប៉ុន្តែ បែរជាត្រូវបានចាត់ទុកថា ជាគ្រាប់បាល់ Offside ទៅវិញ ខណៈដែលព័រទុយហ្គាល់ ផ្តួលក្រុមជម្រើសជាតិស្វ៊ីស ក្នុងលទ្ធផល ៤-០។
តារាឆ្នើមរបស់ក្លិប Manchester United រូបនេះ បានជួយឲ្យ William Carvalho រកបានគ្រាប់បាល់បើកឆាក ហើយ Joao Cancelo បានបំពេញជ័យជម្នះរបស់ក្រុមខ្លួន ដើម្បីជួយឲ្យព័រទុយហ្គាល់ ឡើងឈរលើកំពូលតារាងនៃ League A ក្នុងពូល 2 ដោយសារតែមានគ្រាប់បាល់ច្រើនជាងក្រុមជម្រើសជាតិឆែក៕
ប្រភពព័ត៌មាន៖ Channel News Asia
