បរទេស៖ Vincent Kompany អតីតប្រធានក្រុម Manchester City ត្រូវបានតែងតាំងជាអ្នកចាត់ការទូទៅក្រុម Burnley ។
គួរបញ្ជាក់ថាបន្ទាប់ពីបណ្តេញលោក Sean Dyche ក្នុងខែមេសា Burnley បានតែងតាំងលោក Mike Jackson ជាគ្រូបង្វឹកបណ្តោះអាសន្ន ប៉ុន្តែគាត់មិនអាចរក្សាក្លឹប អោយបន្តលេងនៅលីគកំពូល Premier League រដូវកាលថ្មីបាននោះទេ។ បុរសសញ្ជាតិបែលហ្ស៊ិកដែលធ្លាប់ជួយអោយក្រុមមេឃខៀវMan.City ឈ្នះពាន Premier League ក្នុងនាមជាកីឡាករចំនួនបួនដងបានចូលកាន់តំណែងនៅ Turf Moor បន្ទាប់ពីចំណាយពេលពីរឆ្នាំដឹកនាំក្លឹប Anderlechtនៅស្រុកកំណើត ។
បន្ទាប់ពីការតែងតាំង Kompany បានប្រាប់គេហទំព័រផ្លូវការរបស់ក្លឹបថា :ក្លឹបបាល់ទាត់ Burnley គឺជាក្រុមចំណាស់របស់អង់គ្លេសនិងជាក្រុមប្រវត្តិសាស្រ្តមួយ ហើយវាជាកិត្តិយសណាស់ដែលខ្ញុំបានចូលរួមជាមួយពួកគេក្កនុងនាមអ្នកគ្រប់គ្រងក្រុមដំបូង។ ខ្ញុំពិតជារំភើបចំពោះការប្រកួតប្រជែងនាពេលខាងមុខ៕
ប្រភពព័ត៍មាន៖ Sportsmole