បរទេស៖ លោក Gabriel Agbonlahor ជឿជាក់ថាខ្សែការពារស្លាបស្តាំ Liverpool កីឡាករ Trent Alexander-Arnold មិនមែនជាជម្រើសត្រឹមត្រូវដែលក្រុមគួរដាក់អោយរូបគេលេងនៅតំបន់បម្រើនោះទេ។ អតីតខ្សែប្រយុទ្ធ Aston Villa បានបង្ហាញមតិយល់ឃើញថា កីឡាករវ័យ ២៣ ឆ្នាំរូបនេះទោះបីជាបានលេងនៅតួនាទីនោះសម្រាប់ក្រុមតោកំណាចអង់គ្លេស ប៉ុន្តែArnold មិនមែនជាជម្រើសនិងជាដំណោះស្រាយសមស្របបំផុតចំពោះបញ្ហាខ្សែបម្រើរបស់ Liverpool នោះទេ។
ទោះយ៉ាងណា Alexander-Arnoldបានដើរតួនាទីដ៏សំខាន់សម្រាប់ក្រុមលោក Jurgen Klopp ក្រោយបង្កើតឪកាសបញ្ចប់ទីបានរហូតដល់ទៅ១២ដង កាលពីរដូវកាលមុន។ ទោះបីជាមានការច្នៃប្រឌិតអោយArnold លេងនៅតំបន់បម្រើស្លាបស្តាំជាច្រើនលើកនិង ខុសពីតួនាទីចាស់កន្លងមកសម្រាប់គ្រូបង្វឹកលោក Jurgen Klopp បានបន្តមិនយល់ស្របនិងច្រានចោលការ អះអាងបែបនេះ ដោយគ្រាន់តែផ្តល់តួនាទីលេងសម្រាប់កីឡាករដែលរូបលោកពេញចិត្ត ខណៈសាម៉ីខ្លួនក៏ចង់លេងដូចគ្នាដែរនោះ។
ទោះយ៉ាងណា Agbonlahor ជឿជាក់ថាការដាក់អោយ Alexander-Arnold លេងនៅក្នុងតួនាទីជាខ្សែបម្រើគឺមានភាពឆ្ងាយបន្តិចពីទម្រង់ដើម។ ហើយជឿជាក់ថាកីឡាករជម្រើសជាតិអង់គ្លេសរូបនេះត្រូវការស្វែងយល់ពីលក្ខណៈលេងបន្ថែមទៀត ដើម្បីធ្វើបានល្អក្នុងតំណែងមួយនោះប៉ុន្តែត្រូវប្រើពេលច្រើនបន្ថែមទៀត៕
ប្រភពព័ត៍មាន៖ Sportskeeda