បរទេស៖ ក្លឹបមេឃខៀវ Man. City កំពុងប្រជែងជាមួយ Chelsea និង Barcelona ដើម្បីចុះហត្ថលេខានាំយកខ្សែការពារកណ្តាល Jules Kounde របស់ Sevilla មករួមក្រុម។
កីឡាករវ័យ ២៣ ឆ្នាំរូបនេះមានគោលបំណងក្នុងការចាកចេញពីក្លឹបនៅលីកកំពូល La Liga នៅរដូវក្តៅនេះ ដោយរូបគេចង់លេងអោយក្រុមដែលមានការប្រកួតប្រជែងនៅលីកកំពូលផ្សេងទៀត។Koundeកីឡាករអន្តរជាតិបារំាងគឺជាគោលដៅចង់បានយ៉ាងយូរណាស់មកហើយរបស់ Chelsea ដែលចង់បានអតីតកីឡាករBordaux មកជំនួសតំណែង Antonio Rudiger និង Andreas Christensen ដែលបានចាកចេញ ស្របពេលកន្លងមកBarcelona ក៏បានបង្ហាញការចង់បានកីឡាករដែលមានតម្លៃខ្លួន ៥៥ លានផោនរូបនេះផងដែរ។
ប្រភពពីManchester Evening News បានអះអាងថាក្រុមជើងឯកអង់គ្លេស Man City គឺជាក្លឹបចុងក្រោយគេដែលចង់បាន Kounមករួមក្រុម ប្រសិនពួកគេឈានដល់កិច្ចព្រមព្រៀងលក់ Nathan Ake ទៅឱ្យ Chelsea ខណៈខ្សែការពារវ័យត្រឹមតែ ២០ឆ្នាំរបស់ RB Leipzigគឺ Josko Gvardiol ជាគោលដៅផ្ទេរសម្រាប់ក្រុមលោក។បច្ចុប្បន្នKounde នៅមានកុងត្រារយៈពេល ២ ឆ្នាំទៀតជាមួយក្រុមលោកJulien Lopetegui៕
ប្រភពព័ត៍មាន៖ Sportsmole