បរទេស៖ Man. United ខិតយ៉ាងប្រកៀកទៅនិងការបញ្ចប់កិច្ចព្រមព្រៀងផ្ទេរយកអ្នកចាំទី Thomas Strakosha មករួមក្រុមក្រោយកិច្ចសន្យារបស់ខ្លួនជាមួយក្លឹប Lazio ឈានដល់ទីបញ្ចប់នៅចុងខែមិថុនា។ក្រៅលេងក្នុងលក្ខណ្ឌខ្ចីជើងនៅ Salernitana កាលពីរដូវកាល២០១៥-២០១៦ កីឡាករវ័យ ២៧ ឆ្នាំរូបនេះបានចំណាយពេលទាំងអស់លេងអោយ Lazio ដោយបានបង្ហាញខ្លួនចំនួន ២០៨ លើកគ្រប់ការប្រកួតទាំងអស់។
កីឡាករដែលលេងអោយជម្រើសជាតិអាល់បានីបាន១៩លើកកន្លងមក កាលពីពេលថ្មីៗនេះ Chelsea ក៏ចាប់អារម្មណ៏និងសមត្ថភាពរបស់ Strakoshaផងដែរ ប៉ុន្តែយោងការចុះផ្សាយរបស់គេហទំព័រ talkSPORT បានលើកឡើងថាក្រុមជើងឯកអង់គ្លេស២០សម័យ Man United និងចុះហត្ថលេខានាំយករូបគេមករួមក្រុមក្នុងពេលឆាប់ៗនេះ។
Man United បានសម្លឹងរកអ្នកចាំទីដៃទី២ក្រោយអនុញ្ញាតិអោយ Dean Hendersonផ្លាស់ទៅ Nottingham Forest ក្នុងលក្ខខណ្ឌខ្ចីជើងសម្រាប់រដូវកាលថ្មីខណៈ David de Gea រំពឹងថានឹងបន្តរក្សាតំណែងដៃទី១ នៅអាណត្តិក្រោយម្តងទៀត ។រីឯTom Heaton គឺជាជម្រើសទី៣តែម្នាក់គាត់ ខណៈ Lee Grant បានចូលនិវត្តន៍ពីបាល់ទាត់កាលពីដើមរដូវក្តៅនេះទៅហើយ៕
ប្រភពព័ត៍មាន៖ Sportsmole