បរទេស៖ Ben Chilwell របស់ក្រុមតោខៀវ Chelsea មានបំណងចង់ជាប់ជម្រើស១១នាក់ដំបូងសម្រាប់ខ្សែការពារឆ្វេងអោយក្រុមតោកំណាចអង់គ្លេសនៅព្រឹត្តការណ៏ World Cup ២០២២ក្រោយចាប់ផ្តើមអាជីពជាមួយក្លឹបដ៏លំបាកនាពេលកន្លងមក។
កីឡាករវ័យ២៥ ឆ្នាំរូបនេះត្រូវបានជ្រើសរើសក្នុងក្រុមរបស់អ្នកចាត់ការ Gareth Southgateប៉ុន្តែមិនបានលេងទេសម្រាប់ការប្រកួត Euro 2020 ដែលបានពន្យារពេលនោះ។ និងក្រោយមកទៀតអតីតកីឡាករLeicester City បានជួបប្រទះបញ្ហារបួស និង បានខកខានបង្ហាញខ្លួនសម្រាប់ក្លឹបដែលមានមូលដ្ឋាននៅទីក្រុងឡុងដ៏ភាគខាងលិចរយៈពេល ៦ ខែបន្ទាប់ពីទទួលការវះកាត់ជង្គង់។
Chilwell ដែលបានឈ្នះ Champions League ជាមួយ Chelsea ក្នុងឆ្នាំ ២០២១ Chilwell បានបង្ហាញខ្លួនចុងក្រោយក្នុងនាមកីឡាករបម្រុងសម្រាប់ការប្រកួតប្រកួតចុងក្រោយរបស់ Chelsea នៃរដូវកាលចាស់។អតីតកីឡាករ Leicester រូបនេះបានរងរបួសរហែកសរសៃពួរមុខ ក្នុងការប្រកួត Champions League ជាមួយJuventus កាលពីខែវិច្ឆិកាឆ្នាំមុន នៅដំណាក់កាល Chelsea បានឈរនៅកំពូលតារាង Premier League ។
Chilwell បច្ចុប្បន្នគឺជាផ្នែកមួយនៃក្រុម Chelsea ដែលនិងធ្វើដំណើរទៅកាន់សហរដ្ឋអាមេរិក ដើម្បីចូលរួមប្រកួតកំដៅសាច់ដុំមុនរដូវកាលថ្មីចាប់ផ្តើមដោយកំពុងហ្វឹកហាត់នៅ UCLA ក្នុងទីក្រុង Los Angeles មុនពេលជួប Las Vegas, Charlotte និង Orlando ជាកន្លែងដែលពួកគេនឹងជួបជាមួយកាំភ្លើងធំ Arsenal នៅថ្ងៃទី ២៣ ខែកក្កដាខាងមុខផងដែរ៕
ប្រភពព័ត៍មាន៖ BBC