បរទេស៖ Fabinho បានបង្ហើបប្រាប់ថារូបគេធ្លាប់បានព្យាយាមបញ្ចុះបញ្ចូលអតីតមិត្តក្រុម Sadio Mane អោយបន្តលេងនៅទឹកដីAnfieldមុនពេលដែលខ្សែប្រយុទ្ធសេណេហ្គាល់បានចុះហត្ថលេខាលើការផ្លាស់ប្តូរនារដូវក្តៅទៅកាន់ Bayern Munich ។
គួរបញ្ជាក់ថាកីឡាករអន្តរជាតិសេណេហ្គាល់Mane បាននាំមកនូវភាពជោគជ័យយ៉ាងខ្ពស់រយៈពេលប្រាំមួយឆ្នាំមុនពេលផ្ទេរទៅAllianz Arena ក្នុងតម្លៃ៣៥ លានផោន។ ក្រោយការចាកចេញខ្សែបម្រើ-ការពារFabinho បានប្រាប់ The Athletic ថា : នៅចុងបញ្ចប់នៃរដូវកាលនេះ ខ្ញុំបាននិយាយច្រើនជាមួយ Sadio ។
គាត់បានប្រាប់ខ្ញុំអំពីស្ថានភាពដែលគាត់អាចចាកចេញ ។ ខ្ញុំតែងតែនិយាយទៅកាន់គាត់ថា Sadio នៅទីនេះ។ អ្នកអាចឈ្នះ Premier League និង Champions Leagueសូមកុំចាកចេញ” ប៉ុន្តែខ្ញុំគិតថាគាត់បានគិតរួចហើយ។ យើងត្រូវតែគោរពការសម្រេចចិត្ត។ ទោះយ៉ាងណាក្រោយការចាកចេញនេះ Fabinho បានលើកឡើងថាកីឡាករផ្សេងទៀតអាចនិងឡើងជើង(ឡើងទម្រង់លេង)ក្នុងរដូវកាលនេះជាមួយការបញ្ចេញសមត្ថភាពជួយបំពេញចន្លោះដែលបន្សល់ទុកក្រោយការចាកចេញរបស់ Mane៕
ប្រភពព័ត៍មាន៖ 90min
