បរទេស៖ កីឡាការិនី Chloe Kelly បាននិយាយថា នេះគឺជាសុបិនក្លាយជាការពិត ក្រោយពីបានរកគ្រាប់បាល់ឈ្នះ ក្នុងពេលដែលក្រុមបាល់ទាត់នារីជម្រើសជាតិអង់គ្លេស បានផ្តួលក្រុមជម្រើសជាតិអាល្លឺម៉ង់ ក្នុងលទ្ធផល ២-១ ក្នុងព្រឹត្តិការណ៍ Euro ឆ្នាំ២០២២ វគ្គផ្តាច់ព្រ័ត្រ កាលពីថ្ងៃអាទិត្យ។
Kelly បានរកគ្រាប់បាល់បញ្ចូលទី នៅនាទីបន្ថែម១៥នាទី២ដង ក្រោយពីកីឡាការិនី Lina Magull របស់អាល្លឺម៉ង់ បានរកគ្រាប់បាល់តាមស្មើនៅរយៈពេល១១នាទីចុងក្រោយនៅម៉ោងធម្មតា។ ជ័យជម្នះនេះ បានជួយឲ្យក្រុមជម្រើសជាតិនារីរបស់អង់គ្លេស ឈ្នះពានជាលើកដំបូងរបស់ពួកគេ ក្នុងរយៈពេលច្រើនជាង៥៦ឆ្នាំ បើគិតចាប់តាំងពីក្រុមជម្រើសជាតិបុរសរបស់អង់គ្លេស បានផ្តួលក្រុមជម្រើសជាតិអាល្លឺម៉ង់ ខាងលិច ដើម្បីឈ្នះពាន World Cup ឆ្នាំ១៩៦៦ នាកីឡដ្ឋាន Wembley។
Kelly បានប្រាប់ទូរទស្សន៍ BBC ថា៖ «វាពិតជាអស្ចារ្យណាស់។ សូមរគុណដល់គ្រប់គ្នា។ នេះគឺជាសុបិនដែលក្លាយជាការពិតរបស់ក្មេងស្រីម្នាក់ដែលបានមើលបាល់ទាត់នារី។ នេះគឺជារឿងដែលមិនគួរឲ្យ»។ អ្នកស្រី Wiegman បាននិយាយថា៖ «យើងដឹងថា ពិភពលោកនឹងផ្លាស់ប្តូរ។ យើងផ្លាស់ប្តូរសង្គម ហើយនោះគឺជាចំណុចដែលយើងចង់បាន ដែលលើសពីបាល់ទាត់ទៅទៀត»។ អ្នកស្រីបានបន្ថែមទៀតថា៖ «ការឈ្នះ គឺជាគោលដៅរបស់យើងនៅទីនេះ៕
ប្រភពព័ត៌មាន៖ BBC