បរទេស៖ ក្លិបទើបឡើងថ្មី Bournemouth បានចុះហត្ថលេខាជាមួយនឹងខ្សែការពារសញ្ជាតិអាហ្សង់ទីន Marcos Senesi ក្នុងកិច្ចសន្យារយៈពេល៤ឆ្នាំ ពីក្លិប Feyenoord របស់ក្របខ័ណ្ឌ ហូឡង់ Eredivisie។ នេះបើយោងទៅតាមការប្រកាសរបស់ក្លិបស្ថិតក្នុងក្របខ័ណ្ឌ Premier League មួយនេះ កាលពីថ្ងៃចន្ទ។
ក្លិប Bournemouth មិនបានបង្ហាញពីតម្លៃខ្លួនឡើយ ប៉ុន្តែ បណ្តាយសារព័ត៌មានចក្រភពអង់គ្លេស បានបញ្ជាក់ថា ការផ្ទេរនេះ មានតម្លៃខ្លួន១៥លានផោន (ស្មើនឹង១៥,២៩លានដុល្លារអាមេរិក)។ លោក Neill Blake នាយកប្រតិបត្តិក្លិប Bournemouth បានប្រាប់គេហទំព័ររបស់ក្លិបថា៖ «នេះគឺជាការចុះហត្ថលេខាដ៏ធំមួយសម្រាប់យើង ហើយ Marcos នឹងនាំយកកម្រិតលេងដ៏សំខាន់ដល់ក្រុមរបស់យើង។ មានការចាប់អារម្មណ៍ជាច្រើនលើរូបគេ ហេតុនេះ សម្រាប់រូបគេ ការជ្រើសរើសមកទីនេះ គឺជាសញ្ញាយ៉ាងច្បាស់ដែលបង្ហាញថា យើងគឺជាគោលដៅដ៏ល្អក្នុងនាមជាក្លិបបាល់ទាត់មួយ»។
ខ្សែការពារវ័យ២៥ឆ្នាំរូបនេះ បានចូលរួមជាមួយនឹងក្លិប Feyenoord ក្នុងឆ្នាំ២០១៩ ពីក្លិបអាហ្សង់ទីន San Lorenzo របស់ក្របខ័ណ្ឌ Primera Division។ រូបគេបានបង្ហាញខ្លួន១១៦លើកសម្រាប់ក្លិប Feyenoord និងបង្ហាញខ្លួនជាទៀងទាត់ក្នុងក្របខ័ណ្ឌអឺរ៉ុប៕
ប្រភពព័ត៌មាន៖ Channel News Asia