បរទេស៖ ក្លិប Manchester City កំពុងតែស្ថិតយ៉ាងប្រកៀកក្នុងការឈានដល់ការព្រមព្រៀងគ្នាមួយ ដើម្បីចុះហត្ថលេខាជាមួយនឹងខ្សែការពារស្លាបឆ្វេងសញ្ជាតិអេស្ប៉ាញ Sergio Gómez ពីក្លិប Anderlecht។
ក្លិប Man City នឹងត្រូវចំណាយប្រាក់ច្រើនជាង១០លានអឺរ៉ូ សម្រាប់កីឡាករវ័យ២១ឆ្នាំរូបនេះ ដែលនឹងធ្វើជាជំនួយ និងបង្កើតឲ្យមានការប្រកួតប្រជែងសម្រាប់ Joao Cancelo ក្រោយពីខ្សែការពារ Oleksandr Zinchenko ត្រូវបានអនុញ្ញាតឲ្យចាកចេញ ដើម្បីចូលរួមជាមួយនឹងក្លិប Arsenal សម្រាប់តម្លៃខ្លួន៣០លានផោន (ស្មើនឹង៣៦លានដុល្លារអាមេរិក)។ សេចក្តីលម្អិតចុងក្រោយនៃការផ្ទេរនេះ កំពុងតែត្រូវបានពិភាក្សាជាមួយនឹងក្លិបរបស់បែលហ្ស៊ិក ខណៈដែលការផ្ទេរនេះ នឹងត្រូវបំពេញឆាប់ៗនេះ។
គម្រោងជាបឋម គឺការអនុញ្ញាតឲ្យ Gomez ខ្ចីជើងទៅកាន់ក្លិប Girona ដែលជាផ្នែកមួយនៃក្រុមហ៊ុន City Football Group។ ប៉ុន្តែ លោក But Pep Guardiola នឹងពិភាក្សាក្នុងការរក្សាទុកខ្សែបម្រើការពាររូបនេះ នៅកីឡដ្ឋាន Etihad ក្រោយពីខកខានក្នុងការនាំយកខ្សែការពារ Marc Cucurella ដែលបានចូលរួមជាមួយនឹងក្លិប Chelsea កាលពីសប្តាហ៍មុន ក្នុងតម្លៃខ្លួនដែលអាចនឹងកើនដល់៦២លានផោន៕
ប្រភពព័ត៌មាន៖ The Guardian