បរទេស៖ លោក Vahid Halilhodzic ត្រូវបានបណ្តេញចេញពីតំណែងមុនព្រឹត្តការណ៏ World Cup២០២២ បន្ទាប់ពីពួកគេទទួលបានជោគជ័យមានកៅអីសម្រាប់ការប្រកួតនេះជាលើកទីបីខណៈ ប្រទេសម៉ារ៉ុកបានបណ្តេញគាត់ចេញពិតំណែង។មានន័យថាលោក Vahid បានចាកចេញពីតំណែងត្រឹមតែបីខែមុនការប្រកួតបាល់ទាត់ពិភពលោកចាប់ផ្តើមនៅប្រទេសកាតា។
សហព័ន្ធបាល់ទាត់ម៉ារ៉ុក (FRMF) បានបញ្ជាក់ពីការ បណ្តេញ បុរសសញ្ជាតិបូស្នៀកាលពីថ្ងៃព្រហស្បតិ៍ហើយវាគឺជាលើកទីបីផងដែរសម្រាប់លោក Halilhodzic ត្រូវបានបណ្ដេញចេញ មុនព្រឹត្តការណ៏World Cup ប្រកួតចាប់ផ្តើម ដូចគ្នាទៅនិងពេលដឹកនាំក្រុមជម្រើសជាតិកូឌីវ័រ មុនពេលព្រឹត្តិការណ៏នៅអាហ្វ្រិកខាងត្បូងឆ្នាំ ២០១០ ខណៈពេលត្រូវក្រុមជម្រើសជាតិ ជប៉ុនបញ្ចប់តំណែងមុនព្រឹត្តិការណ៏នៅរុស្ស៊ីឆ្នាំ២០១៨ផងដែរនោះ។
បុរសវ័យ ៦៩ឆ្នាំរូបនេះធ្លាប់ចូលរួមព្រឹតការណ៏ប្រកួតអោយយូហ្គោស្លាវីនៅក្នុងនាមអេស្បាញជាម្ចាស់ផ្ទះកាលពីឆ្នាំ ១៩៨២ ក៏ធ្លាប់មានប្រវត្តិ ដឹកនាំអាល់ហ្សេរីទៅលេងព្រឹត្តការណ៏ World Cup នៅប្រទេស ប្រេស៊ីលកាលពី ៨ ឆ្នាំមុន ប៉ុន្តែឥឡូវនេះនឹងខកខានការប្រកួតដ៏សំខាន់មួយនេះទៀត។ អ្វីជាការកត់សម្គាល់គឺជម្លោះជាមួយ Hakim Ziyech បានឃើញ ខ្សែបម្រើស្លាប Chelsea ត្រូវបានដកចេញពីការប្រកួត Africa Cup of Nations នៅឆ្នាំនេះ បន្ទាប់ពី Halilhodzic បានអះអាងថាគាត់មានរបួសការខកខានការប្រកួតមិត្តភាពអន្តរជាតិ។លោក Walid Regragui ត្រូវបានគេរំពឹងថានឹងត្រូវបាន តែងតាំងជាអ្នកស្នងតំណែងរបស់ Halilhodzic មុនពេលដឹកនាំក្រុមក្នុងពូល F របស់ពួកគេដោយជួបជាមួយនឹងក្រូអាត បែលហ្សិក និងកាណាដា៕
ប្រភពព័ត៍មាន៖ Besoccer