បរទេស៖ ខ្សែប្រយុទ្ធ Darwin Nunez បានផ្ញើសារមួយក្នុងពេលបង្ហាញខ្លួនពេញលេញរបស់គេក្នុងក្របខ័ណ្ឌ Premier League របស់គេ ខណៈដែលក្រុម Liverpool បានជួបការខកចិត្តមួយផ្សេងទៀត ក្នុងយុទ្ធនាការរបស់ពួកគេនៅរដូវកាលនេះ ក្រោយពីបានបញ្ចប់ក្នុងលទ្ធផលស្មើ ១-១ ជាមួយនឹងក្រុម Crystal Palace កាលពីថ្ងៃអាទិត្យ។
ខ្សែប្រយុទ្ធដែលមានតម្លៃខ្លួន៧៥លានអឺរ៉ូ (ស្មើនឹង៧៧លានដុល្លារអាមេរិក) រូបនេះ បានបង្ហាញឲ្យខ្សែការពារជាគូបដិបក្ខគ្រប់គ្នាឃើញថា រូបគេអាចផ្ទុះកំហឹងយ៉ាងងាយ ក្រោយពីបានរងពិន័យកាតក្រហមភ្លាមៗ និងការរងពិន័យព្យួរ៣ប្រកួត សម្រាប់ការប្រើក្បាលអុកលើខ្សែការពារ Joachim Andersen របស់ក្រុម Crystal Palace។ Nunez បានបាត់បង់ការគ្រប់គ្រងលើខ្លួនឯងក្នុងពេលដែល Liverpool ត្រូវការគេឲ្យប្រើប្រាស់ខួរក្បាលប្រកបដោយភាពឆ្លាតវៃ។ គ្រាប់បាល់ស៊ុតបញ្ចូលទីយ៉ាងល្អរបស់ Luis Diaz បានសង្គ្រោះបាន១ពិន្ទុសម្រាប់ក្រុមហង្សក្រហម ក្រោយពីខ្សែប្រយុទ្ធ Wilfried Zaha បានរកគ្រាប់បាល់បើកឆាក សម្រាប់ក្រុម Crystal នៅតង់ទី១។
បន្ទាប់ពីការប្រកួត២លើកនៅរដូវកាលនេះ ក្រុម Liverpool ដេញតាមពីក្រោយក្រុមកំពុងនាំមុខ Manchester City រហូតដល់ទៅ៤ពិន្ទុ ខណៈដែលខ្សែប្រយុទ្ធដែលមានតម្លៃខ្លួន៧៥លានអឺរ៉ូ (ស្មើនឹង៧៧លានដុល្លារអាមេរិក) របស់ពួកគេ គឺជាអ្នកដែលត្រូវស្តីបន្ទោស។ នៅពេលដែលត្រូវបានចោទសួរថា Nunez ធ្វើឲ្យមិត្តរួមក្រុមរបស់ខ្លួនបាក់មុខ ឬយ៉ាងណា លោក Jurgen Klopp បានឆ្លើយថា៖ «ពេលនេះ រូបគេដឹងខ្លួនឯងហើយ»៕
ប្រភពព័ត៌មាន៖ The Guardian
