បរទេស៖ លោក Thomas Tuchel និងលោក Antonio Conte ត្រូវបានចោទប្រកាន់ដូចគ្នាពីសហព័ន្ធកីឡាបាល់ទាត់អង់គ្លេស ហៅកាត់ថា FA ពីបទប្រព្រឹត្តមិនសមរម្យ ក្រោយពីការប៉ះទង្គិចគ្នារវាងគ្រូបង្វឹកទាំង២ កាលពីថ្ងៃអាទិត្យ ក្នុងការប្រកួតក្របខ័ណ្ឌ Premier League រវាងក្រុម Chelsea និង Tottenham កាលពីថ្ងៃអាទិត្យ។
គ្រូបង្វឹកទាំង២ បានរងពិន័យកាតក្រហមដូចគ្នា ក្រោយពីការប៉ះទង្គិចគ្នាយ៉ាងខឹងសម្បារ បន្ទាប់ពីសំឡេងកញ្ចែបញ្ចប់ការប្រកួត នៅពេលដែល Spurs បានរកគ្រាប់បាល់តាមស្មើ នៅនាទីទី៦ នៃនាទីបន្ថែម។ ទាំងលោក Tuchel និងលោក Conte បានរងការចោទប្រកាន់ពីបទប្រព្រឹត្តមិនសមរម្យដូចគ្នា។
គ្រូបង្វឹកទាំង២ មានពេលវេលារហូតដល់ថ្ងៃព្រហស្បតិ៍ ទី១៨ ខែសីហា ដើម្បីឆ្លើយតបចំពោះការចោទប្រកាន់នេះ។ សហព័ន្ធកីឡាបាល់ទាត់អង់គ្លេស បានចេញសេចក្តីប្រកាសកាលពីថ្ងៃចន្ទថា៖ «លោក Thomas Tuchel និង Antonio Conte បានរងការចោទប្រកាន់ដូចគ្នា ដោយសារតែការប្រព្រឹត្តស្មើសច្បាប់របស់ FA បន្ទាប់ពីការប្រកួតក្របខ័ណ្ឌ Premier League រវាងក្រុម Chelsea FC និង Tottenham Hotspur FC កាលពីថ្ងៃទី១៤ ខែសីហា ឆ្នាំ២០២២»៕
ប្រភពព័ត៌មាន៖ BBC