បរទេស៖ Man. United នឹងបន្តសម្លឹងរកមើលខ្សែបម្រើរបស់ពួកគេបន្តទៅទៀតខណៈដែល Moises Caicedo កីឡាករបស់ក្លឹប Brighton គឺជាគោលដៅដែលក្រុមជើងឯកអង់គ្លេស២០សម័យកំពុងតែតាមដានអំពីស្ថានភាពរបស់កីឡាករអន្តរជាតិ អេក្វាឌ័ររូបនេះបានសាងកេរ្តិ៍ឈ្មោះនៅក្របខណ្ឌ Premier League នាពេលបច្ចុប្បន្ននេះ។
ទោះបីជាការប្រកួតបើកឆាកចាញ់ Brighton ប៉ុន្តែអ្នកចាត់ការទូទៅសញ្ជាតិហូឡង់លោកTen Hag បានសម្លឹងឃើញ Moises Caicedo ថាជាកីឡាករដែលអាចបំពេញចន្លោះខ្វះខាតរបស់ក្រុមបាន។ យោងគេហទំព័រ The Mirror បាន អោយដឹងថា Man. Utd បានចាប់អារម្មណ៍កីឡាកររូបនេះរួចទៅហើយនៅពេលដែលពួកគេគេលេងឲ្យក្រុម Independiente del Valle នៅប្រទេសអេក្វាឌ័រមកម្លេះ។
ក្រៅពី Man. United មាន ទាំង Arsenal និង West Ham ក៏បានបង្ហាញការចាប់អារម្មណ៏កីឡាករវ័យ២០ឆ្នាំរូបនេះ ទោះបីជាយ៉ាងណាការចុះហត្ថលេខាCaicedo គឺមិនមានតម្លៃថ្លៃនោះទេ ស្របពេល កិច្ចសន្យាបច្ចុប្បន្នជាមួយ Brighton របស់គាត់មានសុពលភាពរហូតដល់ខែមិថុនាឆ្នាំ ២០២៥ឯណោះ។គួរកត់សម្គាល់ផងដែរថាខ្សែបម្រើរូបនេះរកបានគ្រាប់បាល់លើកដំបូង នៅក្របខណ្ឌ Premier League ក្នុងការប្រកួតជាមួយក្រុមម្ចាស់ផ្ទះ Man. United នាទឹកដី Old Trafford៕
ប្រភពព័ត៍មាន៖ Besoccer