បរទេស៖ ក្លិបបិសាចក្រហម Manchester United កំពុងតែស្ថិតយ៉ាងប្រកៀកក្នុងការនាំយកខ្សែបម្រើអន្តរជាតិប្រេស៊ីល Casemiro ខណៈដែលគេរំពឹងទុកថា ក្លិប Real Madrid នឹងទទួលសំណើក្នុងទំហំទឹកប្រាក់៦០លានអឺរ៉ូ (ស្មើនឹង៦០,៥លានដុល្លារអាមេរិក) បូកទាំងប្រាក់ឧបត្ថម្ភនានាផ្សេងទៀត។
ក្រុមរបស់លោក Erik ten Hag សម្លឹងរកការនាំយកកីឡាករថ្មីៗដើម្បីពង្រឹងតំបន់បម្រើជាយូរមកហើយនៅរដូវក្តៅនេះ និងចង់បំពេញការផ្ទេរនេះនៅថ្ងៃសុក្រនេះ ក្រោយពីបានដាក់សំណើជាផ្លូវការកាលពីល្ងាចថ្ងៃព្រហស្បតិ៍។ តម្លៃខ្លួននៃការផ្ទេរនេះអាចនឹងកើនដល់៧០លានអឺរ៉ូ ប្រសិនបើលក្ខខណ្ឌនានា ត្រូវបានបំពេញ។ បច្ចុប្បន្ន ការពិភាក្សានានា នឹងត្រូវជាមួយនឹងកីឡាកររូបនេះ ខណៈដែល Man United ផ្តល់កិច្ចសន្យារយៈពេល៤ឆ្នាំ បូកទាំងជម្រើសក្នុងការបន្តនៅរយៈពេល១រដូវកាលទៀតផងដែរ។
កិច្ចសន្យានាពេលបច្ចុប្បន្នរបស់ Casemiro នៅក្លិប Real Madrid នឹងបន្តរហូតដល់ឆ្នាំ២០២៥។ លោក John Murtough នាយកផ្នែកកីឡាបាល់ទាត់របស់ Man Utd កំពុងតែធ្វើការដោយផ្ទាល់លើការផ្ទេរនេះ ក្រោយពីស្ថិតក្រោមសម្ពាធចំពោះភាពយឺតយ៉ាវនៃការទិញកីឡាករថ្មីៗមកទល់ពេលនេះ។ ស្ថិតក្នុងវ័យ៣០ឆ្នាំ Casemiro បានឈ្នះពានក្របខ័ណ្ឌ Champions League ៥លើក និងពានក្របខ័ណ្ឌអេស្ប៉ាញ La Liga ៤លើក ជាមួយនឹងក្លិប Real Madrid ក្រោយពីផ្ទេរមកពីក្លិប Sao Paulo កាលពីឆ្នាំ២០១៣៕
ប្រភពព័ត៌មាន៖ The Gaurdian
