បរទេស៖ គ្រូបង្វឹកក្រុមហង្សក្រហម​ Liverpool លោក Jurgen Klopp បានបញ្ជាក់ថា ប្រធានក្រុមគឺខ្សែបម្រើ Jordan Henderson បានរងរបួសសរសៃពួរនិងត្រូវប្តូរចេញនៅនាទីទី៧១ បន្ទាប់ពីពួកគេយកឈ្នះលើក្រុម Newcastle United កាលពី​រាត្រីថ្ងៃពុធក្នុងលទ្ធផល២ទល់និង១ ។

ហង្ស​ក្រហម​បាន​វាយ​បក​មួយ​គ្រាប់​ យកឈ្នះនៅម៉ោងបន្ថែមជិតបញ្ចប់ការប្រកួតក្រោយពី Alexander Isak ដែល ​រក​គ្រាប់​បាល់​បញ្ចូល​ទី​នាំមុខនៅនាទីទី៣៨ក្នុង​ការ​បង្ហាញ​ខ្លួន​ជា​លើក​ដំបូង​ក្រោយផ្ទេរ​ពី Real Sociedad ក្នុងតម្លៃ​កំណត់ត្រា​ក្លឹប។ទោះយ៉ាងណាRoberto Firmino បានរក្សាទម្រង់លេងដ៏ល្អ ដើម្បីតាមស្មើឱ្យក្រុម​ម្ចាស់ផ្ទះនៅនាទីទី៦១មុនពេល Fabio Carvalho រកគ្រាប់បាល់បញ្ចូលទីដោយការAssist ពីMohamed Salah​នាំអោយមានការសាទរយ៉ាងកងរំពង នៅទឹកដី Anfield ខណៈជ័យ​ជម្នះ​នេះ​បាន​ធ្វើ​ឲ្យ Liverpool ឡើង​ទៅ​ឈរនៅចំណាត់ថ្នាក់លេខ​៥។

កីឡាករអន្តរជាតិអង់គ្លេស Henderson រូបនេះបានលេងគ្រប់ការប្រកួតសម្រាប់ក្លឹបនៅរដូវកាលថ្មីនេះនិងត្រូវ ធ្វើការវិនិច្ឆ័យពីរបួសដែលធ្វើអោយរូបគេអវត្តមាន​ខណៈ Liverpool កំពុងស្ថិត​នៅ​ចំ​ពេល​មាន​វិបត្តិ​របួស​តំបន់​ការពារក្រោយពី Thiago Alcantara, Naby Keita, Alex Oxlade-Chamberlain និង Curtis Jones សុទ្ធ​តែ​បន្តព្យាបាលរបួសនៅឡើយ៕

ប្រភពព័ត៍មាន៖ Sportskeeda