សម្រាប់កីឡាករបាល់ទាត់អាជីពទាំងអស់តែងតែសង្ឃឹមថានឹងឈ្នះពានជាមួយក្រុម និងពានរង្វាន់ផ្ទាល់ខ្លួនជាមួយនឹងក្លឹបដែលពួកគេបានលេងប្រកបដោយកិត្តិយស និងភាពល្បីល្បាញ ខណៈដែល មានកីឡាករបាល់ទាត់អាជីព មួយចំនួនមិនទទួលបានជ័យជំនះច្រើននោះទេ។ ខាងក្រោមនេះជាតារាបាល់ទាត់ឆ្នើមទាំង ៧រូប ដែលបានឈ្នះពានរង្វាន់ច្រើនជាងគេក្នុងពេលលេងឱ្យក្លឹបធំៗនៅលីកកំពូលនៅអឺរ៉ុប។

១. Gerard Pique(៣០ពាន)

ខ្សែការពារកណ្តាល​ Gerard Pique បានឈ្នះពានចំនួន ៣០ ខណៈដែលពាន២៧ បានទទួលជោគជ័យជាមួយក្រុមអ្នកមានបុណ្យ​ Barceolona។ Pique បានឈ្នះពានរង្វាន់ La Liga ចំនួន ៧លើកក្នុងរយៈពេល ១០ឆ្នាំចុងក្រោយនេះជាមួយក្លឹបនេះក្រៅពីពាន Copa del Rey ចំនួន ៦លើកនិងពានរង្វាន់ Supercopa de España ចំនួន៦។ អតីតកីឡាករជម្រើសជាតិអេស្បាញក៏បានឈ្នះពានរង្វាន់ UEFA Champions League បួនដងផងដែរជាមួយនឹង ជាលើកដំបូង ជាមួយក្រុម Manchester United ក្នុងឆ្នាំ២០០៨។

កីឡាករវ័យ ៣១ឆ្នាំរូបនេះបានឈ្នះពានរង្វាន់បីក្នុងអំឡុងពេលលេងអោយក្រុម Manchester United កំលុងរដូវកាល២០០៧-២០០៨។

២. Zlatan Ibrahimovic(៣១ពាន)

Ibrahimovic អតីតខ្សែប្រយុទ្ធក្រុមជម្រើសជាតិស៊ុយអ៊ែតធ្លាប់លេងអោយក្លឹបធំជាច្រើនដូចជា Ajax, Inter Milan, AC.Milan, Juventus, Barcelona និង PSG ព្រមទាំង Man.United និង LA Galaxy និងធ្លាប់បានឈ្នះពានចំនួន៣១ ប៉ុន្តែរូបគេមិនធ្លាប់ឈ្នះពាន UEFA Champion League ជាមួយនិងក្លឹបដែលរូបគេធ្លាប់ប្រកបអាជីពនោះទេ។

៣. Maxwell(៣២ពាន)

ខ្សែការពារឆ្វេងសញ្ជាតិប្រេស៊ីលរូបនេះមិនធ្លាប់មានឈ្មោះល្បីល្បាញនោះទេប៉ុន្តែរូបគេធ្លាប់ឈ្នះពាន៣២ លេងអោយក្លឹបធំៗបួននៅអឺរ៉ុបនិងឈ្នះពាន៣២មានដូចជាៈ Ajax, Inter Milan, Barcelona និង PSG ជាក្លឹបចុងក្រោយមុនពេលចូលនិវត្តន៏នៅឆ្នាំ២០១៧ និងបានឈ្នះពានច្រើនបំផុតគឺ ១៤ពាន។

៤. Andres Iniesta(៣២ពាន)

អតីតខ្សែបម្រើក្រុមជម្រើសជាតិអេស្បាញ Inesta បានចាកចេញពីក្លឹប Barcelona ក្រោយចប់រដូវកាល២០១៧-២០១៨។ ពានរង្វាន់ដែល Iniesta ឈ្នះជាមួយ Barcelona មាន ៩ La Liga ,៦ Copa del Rey, ៦ Supercopa de España ពានរង្វាន់ UEFA Champions League ៤, ២ UEFA Super Cups និង ៣ FIFA Club World Cups។ ក្រៅពីពានរង្វាន់ទាំងអស់នោះ Iniesta ក៏បានឈ្នះពានរង្វាន់បាល់ទាត់ពិភពលោក FIFA World Cup និងអឺរ៉ូនៅឆ្នាំ២០០៨, ២០១២ជាមួយអេស្ប៉ាញផងដែរ។

៥. Lionel Messi(៣៣ពាន)

Messi ជាកីឡាករដែលបានឈ្នះពានច្រើនបំផុតជាមួយក្រុម Barcelona បន្ទាប់ពី Andrea Iniesta ព្រមទាំងពានកិត្តិយស ផ្ទាល់ខ្លួនគឺបាល់មាស(Ballon D’or)៥សម័យផងដែរ។

៦. Dani Alves(៣៤ពាន)

រយៈពេល ១០ឆ្នាំ(២០០០-២០១០)កំលុងពេលលេងអោយ Sevilla និង Barcelona កីឡាករខ្សែការពារខាងស្តាំសញ្ជាតិ ប្រេស៊ីលរូបនេះធ្លាប់ឈ្នះពានជាច្រើនពិសេសជាមួយក្រុម Barcelona(២៣ពាន) និង បន្តលើកពាន SerieA ជាមួយ Juventus និងពានលីកកំពូលបារាំងជាមួយក្រុម PSG។

៧. Ryan Gigg(៣៥ពាន)

អតីតខ្សែបម្រើ-ប្រយុទ្ធស្លាបសញ្ជាតិវេលរូបនេះបានចំណាយពេលពេញមួយអាជីពជាមួយក្លឹប Man.United ក្រោមការដឹកនាំរបស់ Sir Alex Ferguson។ គាត់បានឈ្នះពានរង្វាន់ Premier League ១៣ដងពានរង្វាន់ FA Cup ចំនួន ៤ពានរង្វាន់League Cup ៣លើកនិងពានរង្វាន់ក្របខ័ណ្ឌ Champions League ចំនួនពីរលើកក្នុងអំឡុងពេល ២៤ឆ្នាំ នៅជាមួយក្លឹបនិងឈរឈ្មោះនៅលើគេជាកីឡាករដែលឈ្នះពានច្រើនបំផុត។

ប្រភព៖ foxsportsasia