បរទេស៖ ក្លឹប Olympic Lyon ចាប់អារម្មណ៍ក្នុងការចុះហត្ថលេខានាំយកអតីតខ្សែការពារ Samuel Umtiti បន្ទាប់ពីសមាជិកជ័យលាភីWorld Cup ២០១៨រូបនេះមិនមានក្នុងផែនការប្រើប្រាស់របស់គ្រូបង្វឹក Ronald Koeman ខណៈគ្រូបង្វឹក Rudi Garcia បានសារភាពថារូបលោកចង់បានកីឡាករអន្តរជាតិបារាំងរូបនេះមកលេងរួមក្រុមសាជាថ្មី។
លោក Garcia បានពិភាក្សាជាមួយនាយកផ្នែកកីឡាឈ្មោះ Juninho អំពីលទ្ធភាពដែលពួកគេកំពុងស្វែងរកខ្សែការពារកណ្តាលម្នាក់ដ៏រឹងមាំថាៈយើងបាននិយាយអំពីគាត់ (Umtiti) គាត់គឺជាខ្សែការពារដ៏អស្ចារ្យម្នាក់ប៉ុន្តែខ្ញុំមិនដឹងថាតើប្រតិបត្តិការនេះអាចទៅរួចរឺទេ?ពិសេសគឺបញ្ហាហិរញ្ញវត្តុ។
ទោះយ៉ាងណាបញ្ហាគឺថាខ្សែការពារបារាំងរូបនេះមាន ប្រាក់ឈ្នួលខ្ពស់ពេក ដែលអាចជាឧបសគ្គសម្រាប់ក្រុមចាស់របស់គាត់ត្រូវទទួលរ៉ាប់រងចង់បានរូបគេវិលត្រលប់ទៅលេងនៅ Ligue 1 បន្ទាប់ពីរូបគេបានចាកចេញពី Lyon ទៅ Barcelona ក្នុងឆ្នាំ ២០១៦ កំលុងពេលរូបគេមានវ័យ២៦ឆ្នាំ៕
ប្រភពព័ត៍មាន៖ Sport.es
