បរទេស៖ កីឡាករ Van de Beek បានក្លាយជាសមាជិកថ្មីសម្រាប់ក្រុមបិសាចក្រហម  Ole Gunnar Solskjaer ក្រោយ​ផ្ទេរ​ពីក្លឹប Ajax  ក្នុងតម្លៃ៤០លានផោន នៅ​រដូវក្តៅកាលពីសប្តាហ៍មុនខណៈ​ពេលបច្ចុប្បន្ន​គ្រូបង្វឹក​សញ្ជាតិ​ន័រវេ កំពុងផ្តោតអារម្មណ៍លើកីឡាករផ្សេង បន្ថែម​ទៀត។

​បើទោះបីជាម្ចាស់ជើងឯកអង់គ្លេស ២០សម័យ​បញ្ចប់​ចំណាត់​ថ្នាក់លេខ ៣ ក្របខណ្ឌ  Premier League កាលពីរដូវកាលមុននិងបានឈានដល់វគ្គពាក់​កណ្តាល​​​​ផ្តាច់ព្រ័ត្រ​នៃក្របខ័ណ្ឌ EuropaLeague នៅ​តែ​ចាប់អារម្មណ៏ចង់បានកីឡាករឆ្នើមមួយចំនួន​ទៀតមាន​ដូច​ជាៈខ្សែបម្រើអន្តរជាតិអង់គ្លេស Jadon Sancho និង  Jack Grealish, ខ្សែការពារឆ្វេងអន្តរជាតិប្រេស៊ីលរបស់ក្លឹប Porto កីឡាករ AlexTelles និងកីឡាករអន្តរជាតិ​អេស្បាញ Sergio Reguilon របស់ក្លឹប Sevilla មកកាន់ទឹកដី Old Trafford  ។

ផ្តោតលើបញ្ហានេះអតីតខ្សែការពារ និងជាវីរបុរសក្រុម Man.Utd លោក Gary Neville បានបង្ហាញ​ការ​យល់​ឃើញថាអតីតក្លឹបរបស់លោកត្រូវការគឺ ខ្សែការពារឆ្វេង១នាក់​ ខ្សែការពារកណ្តាល១នាក់ និង ខ្សែ​ប្រយុ​ទ្ធម្នាក់​ទៀតមុនពេលទីផ្សារដោះដូរកីឡាករត្រូវបិទ នៅថ្ងៃទី ៥ ខែតុលាដោយ ខណៈដែល​ពួកគេចង់​ប្រជែង​ពាន​លីក​កំពូលអង់គ្លេសជាមួយក្រុមការពារតំណែងជើងឯកគឺហង្សក្រហម Liverpool និងគូប្រជែងរួម​ទី​ក្រុង​​គឺ​ក្លឹប​ Manchester City៕