បរទេស៖ ខ្សែការពារ Alvaro Gonzalez របស់ក្រុម Marseille បានប្រើប្រាស់បណ្តាញសង្គម Tweeter ឆ្លើយ តបដើម្បីការពារ​ខ្លួនបន្ទាប់ពីតារាឆ្នើម Neymar របស់ក្រុម Paris Saint-Germain បានចោទប្រកាន់​រូបគេ​ថា​បាន​​រើសអើងជាតិសាសន៍។

កីឡាករតម្លៃខ្លួនថ្លៃបំផុតរបស់ពិភពលោក Neymar  សញ្ជាតិ ប្រេស៊ីលរូបនេះគឺជាកីឡាករម្នាក់ក្នុង​ចំណោម​​កីឡាករទាំង ៥ រូបដែលត្រូវបានបណ្តេញចេញកាលពីថ្ងៃអាទិត្យខណៈ Marseille បានផ្តល់​រស់​ជាតិបរាជ័យ២ប្រកួតជាប់ៗគ្នាសម្រាប់ក្រុមការពារតំណែងជើងឯក Ligue-1។​ Neymar ត្រូវ​បាន​បណ្តេញចេញដោយសារតែរងការចោរប្រកាន់ថា បានទះកំផ្លៀងខ្សែការពារអន្តរជាតិអេស្បាញ​រូប​នេះដោយបានចោទប្រកាន់ពីការរើសអើងជាតិសាសន៍។

Alvaro ខ្សែការពារសញ្ជាតិអេស្បាញវ័យ៣០ឆ្នាំរូបនេះបានប្រាប់ថា៖ មិនមានទីកន្លែងសម្រាប់ការរើស​អើងជាតិ​សាសន៍ទេ។ ពីមួយថ្ងៃទៅមួយថ្ងៃយើងព្យាយាមបន្តអាជីពអោយបានស្អាតស្អំជាមួយមិត្តរួម​ក្រុមនិង​មិត្ត​ភក្តិ​ជាច្រើន ពេលខ្លះអ្នកត្រូវរៀនពីរបៀបចាញ់និងទទួលយកវានៅលើទីលាន៕

ប្រភពព័ត៍មាន៖ Goal