បរទេស៖ ប្រសិនដូចការគ្រោងទុកនិងមិនប្រែប្រួលណាមួយកើតឡើងនោះទេខ្សែប្រយុទ្ធ Memphis Depay និងនៅតែបន្តលេងអោយក្រុម Lyon ក្រោយថ្ងៃសុក្រទី ២ ខែតុលាខាងមុខបន្តទៀត។ក៏ព្រោះតែថ្ងៃ នោះគឺជាពេលវេលាចុងក្រោយសម្រាប់ការផ្ទេរដោយលើកឡើងរបស់ប្រធានក្លឹបលោក Jean- Michael Aulas បានបញ្ជាក់យ៉ាងដូច្នេះថា៖ ក្រុមរបស់យើងមិនទាន់ទទួលបានការផ្តល់ជូនសំណើរដេញ ជាផ្លូវ ការណ៏ ពីសំណាក់ក្រុម Barcelona នៅឡើយទេ។
ទោះបីជាមិនបានប្រាប់ឈ្មោះកីឡាកររបស់ខ្លួនដោយបើកចំហរ ក៏ប៉ុន្តែមជ្ឈដ្ឋានបាល់ទាត់ដឹងថាវា ជា ការសំដៅទៅលើខ្សែប្រយុទ្ធឆ្នើមអន្តរជាតិហូឡង់ Memphis Depay ជាកីឡាករម្នាក់របស់ Lyon ដែល មានទំនាក់ទំនងដ៏មានសក្តានុពលក្នុងការផ្លាស់ទៅកាន់ក្លឹប Barcelona ដើម្បីជំនួសតំណែង ខ្សែ ប្រយុទ្ធជើងចាស់ Luis Suarez នៅរដូវក្តៅនេះ។
ទោះយ៉ាងណាប្រភពពីបណ្តាញសាពត៌មានអ៊ីតាលីលោក Fabrizio Romano បានអះអាងកាលពី សប្តាហ៍មុនថាក្លឹបទាំងពីរបាន ព្រមព្រៀងគ្នាលើលក្ខខណ្ឌផ្ទាល់ខ្លួនក្នុងការផ្ទេរតម្លៃ ៣០ លានផោន រួចរាល់ហើយ៕
ប្រភពព័ទ៍មាន៖ Tribuna
