បរទេស៖ ក្រុមបាល់ទាត់ជម្រើសជាតិបារាំង កំពុងតែសម្លឹងរកការបន្ថែមពានប្រចាំទ្វីបអឺរ៉ុបទៅលើពាន World Cup របស់ពួកគេនៅឆ្នាំនេះ ប៉ុន្តែ ជាដំបូង ពួកគេត្រូវចាប់ផ្តើមការការពានពិភពលោកមួយនេះ ដែលពួកគេបានឈ្នះនៅប្រទេសរុស្ស៊ី កាលពី៣ឆ្នាំមុនជាមុនសិន ខណៈដែលការប្រកួតជម្រុះសម្រាប់ព្រឹត្តិការណ៍ឆ្នាំ២០២២នៅប្រទេសកាតា នឹងចាប់ផ្តើមនៅរាត្រីនេះ។
លោក Didier Deschamps ដែលជាគ្រូបង្វឹក បានរក្សាទុកកីឡាករសំខាន់ៗជាច្រើនដែលបានជួយឲ្យក្រុមរបស់លោកលើកពាននៅទីក្រុងម៉ូស្គូ កាលពីឆ្នាំ២០១៨ សម្រាប់ការប្រកួតជម្រុះចំនួន២លើកជាប់ៗគ្នា ក្នុងពេលធ្វើជាម្ចាស់ផ្ទះទទួលក្រុមជម្រើសជាតិអ៊ុយក្រែន នៅរាត្រីនេះ មុននឹងធ្វើដំណើរទៅប្រកួតនៅទឹកដីក្រុមកាហ្សាក់ស្ថាន នៅថ្ងៃអាទិត្យ ហើយបន្ទាប់មកត្រូវប្រកួតនៅទឹកដីក្រុមបូស្នី នៅថ្ងៃទី៣១ ខែមីនា។ ក្រុមជម្រើសជាតិហ្វាំងឡង់ គឺជាគូប្រកួតមួយផ្សេងទៀតសម្រាប់ក្រុមជម្រើសជាតិបារាំង ក្នុងពូល ហើយក្រុមដែលមានរហស្សនាមថា Les Bleus មួយនេះ ត្រូវតែបញ្ចប់ដោយការឈរលេខ១ក្នុងពូល ដើម្បីមានភាពច្បាស់លាស់ក្នុងការឈ្នះកៅអីទៅកាន់ប្រទេសកាតា នៅចុងឆ្នាំក្រោយ។
PARIS, FRANCE-OCTOBER 7: Olivier Giroud #9 of France celebrate his first goal during the international friendly match between France and Ukraine at Stade de France on October 7, 2020 in Paris, France. (Photo by Xavier Laine/Getty Images)
លក Deschamps ដែលបានកាន់តំណែងក្នុងក្រុមជម្រើសជាតិបារាំង អស់រយៈពេលជិត៩ឆ្នាំនោះ បានឲ្យដឹងថា៖«ខ្ញុំនឹងមិននិយាយលាក់បាំងឡើយបើគិតដល់ការរៀបចំក្រុម ការដែលត្រូវប្រកួត៣លើក ក្នុងនោះ២ប្រកួតនៅក្រៅដី នឹងធ្វើឲ្យអ្វីៗកាន់តែមានភាពស្មុគស្មាញ។ យើងទាំងអស់គ្នាត្រូវងតែសម្របខ្លួនតាម»៕
ប្រភពព័ត៌មាន៖ Channel News Asia
