បរទេស៖ គ្រូបង្វឹកព័រទុយហ្កាល់លោក Fernando Santos បានអំពាវនាវឱ្យមានការដាក់បញ្ចូលបច្ចេកវិទ្យាបន្ទាត់គោលដៅរឺមានន័យជាភាសាអង់គ្លេសថា (Goal Line) នៅក្នុងការប្រកួតបាល់ទាត់ជាលក្ខណៈអន្តរជាតិបន្ទាប់ពីការបញ្ចប់ដ៏ចម្រូងចម្រាសក្នុងលទ្ធផលស្មើគ្នា ២ទល់និង២ ជាមួយនឹងម្ចាស់ផ្ទះស៊ែប៊ី។
គួររំលឹកថាក្នុងការប្រកួតនោះ បន្ទាប់ពីលទ្ធផលស្មើគ្នា២ទល់និង២ ចូលដល់ម៉ោងបន្ថែមហើយជិតបញ្ចប់ការប្រកួតទៅហើយ Cristiano Ronaldo បានអូសបាល់ស៊ុតចូលទៅក្នុងប្រអប់គ្រោះថ្នាក់ហើយបាល់បានរំលងអ្នកចាំទីស៊ែប៊ី Marko Dmitrovic និងចូល ដល់គោលដៅបើទោះបីត្រូវខ្សែការពារទាត់បាល់ចេញមកវិញក៏ដោយ។ Ronaldoបានអបអរបាល់បញ្ចូលទីនោះ មុនពេលត្រូវបានអាជ្ញាកណ្តាលលោក Danny Makkelie ចាក់ទុកជា លទ្ធផលផ្លូវការណ៏ និង ច្រានចោលទៅវិញ។ ទោះយ៉ាងណាប្រធានក្រុមនិងជាម្ចាស់ពានបាល់មាស៥សម័យ បានធ្វើការតវ៉ាយ៉ាងតឹងសរសៃក ខណៈដែលលោកMakkelieបានផ្តល់កាតលឿងដល់កីឡាករវ័យ៣៦ឆ្នាំនេះ បន្ថែមទៀត។
លោក Santos បានបញ្ជាក់ប្រាប់បណ្តាញសារពត៌មានថាៈគាត់(Makkelie)បានសុំទោសខ្ញុំ តែវាមិនអាចដោះ ស្រាយបញ្ហាបាននោះទេ។គាត់បានសាងកំហុសតែគាត់ក៏មានចិត្តមនុស្សធម៌។ យ៉ាងណាខ្ញុំសំនូមពរអោយមាន ការកាត់សេចក្តីដោយ VAR រឺ Goal Line៕
ប្រភពព័ត៍មាន៖ Goal
