បរទេស៖ អតីតខ្សែប្រយុទ្ធ Man Utd កីឡាករ Michael Owen យល់ឃើញថាគ្រូបង្វឹកលោក Ole Gunnar Solskjaer នៅមិនទាន់ផ្តល់ទំនុកចិត្តទាំងស្រុកលើខ្សែបម្រើ Paul Pogba នោះទេ។ផ្ទុយទៅវិញ ខ្សែបម្រើអន្តរជាតិអន្តរជាតិបារាំងនៅតែដួរតួនាទីដ៏សំខាន់សម្រាប់ក្រុម នៅ៥ប្រកួតចុងក្រោយនៅ Premier League បង្កើតឪកាសបញ្ចប់ទីបាន ៤ ឯណោះ។
Pogba ត្រូវបានគ្រូបង្វឹកសញ្ជាតិន័រវេខាងលើដាក់អោយលេងនៅតំបន់បម្រើស្លាបខាងឆ្វេងនៅប៉ុន្មានសប្តាហ៍ថ្មីៗនេះ ខណៈដែលវីរបុរសហង្សក្រហម Liverpool ខាងលើបានបង្ហាញចំណាប់អារម្មណ៏ប្រាប់Premier League Production ថា៖ «ខ្ញុំដឹងថាអ្នកគាំទ្រក្រុមបិសាចក្រហមទាំងអស់នៅជុំវិញពិភពលោកនឹងឯកភាពគ្នាគឺដាក់ Pogba អមជាមួយខ្សែបម្រើម្នាក់។ ដូច្នេះក្រុមមានខ្សែបម្រើ២រូបគាំទ្រដល់ខ្សែប្រយុទ្ធជួរមុ ដូចជា Cavani ហើយជាមួយវត្តមានរបស់ Fernandes គាំទ្រពីខាងក្រោយរឹងតែប្រកបដោយទំនុកចិត្ត។ ប៉ុន្តែការ ដាក់ Cavani អោយលេងជាកីឡាករបម្រុងព្រោះតែលោក Solskjaer មិនទុកចិត្ត Pogba លេងនៅទំ្រង់បម្រើកណ្តាលតែម្តងទើបរវាងពួកគេទាំងពីរមិនសូវបានលេងជម្រើស១១នាក់ដំបូងជុំគ្នានិងទៀងទាត់នោះ»។
ម្ចាស់ជើងឯកអង់គ្លេស២០សម័យនៅឡើយមិនទាន់បានបន្តការពិភាក្សាលើកិច្ចសន្យាថ្មីជាមួយសមាជិកជ័យលាភី World Cup ២០១៨រូប នេះនៅឡើយទេ ស្របពេលកិច្ចសន្យាចាស់នឹងផុតកំណត់នៅឆ្នាំ ២០២២ ខណៈដែលReal Madrid និង Juventusនៅតែមានទំនាក់ ទំនងចង់បានPogba យកទៅរួមក្រុមជានិច្ចនោះ៕
ប្រភពព័ត៍មាន៖ Manchester United Evening News
