បរទេស៖ លោក Ange Postecoglou គ្រូបង្វឹកថ្មី ដែលត្រូវបានក្លឹបយក្សស្កុតឡេនដ៏ Celticទើបនិងតែងតាំងជាអ្នកចាត់ការទូទៅថ្មី បានលើកឡើងថារូបលោកដើម្បីនាំយកកីឡាករដែលមានគុណភាពនៅក្នុងទីផ្សារដោះដូរ​កីឡាកររដូវ​ក្តៅនេះ​ក្នុង​គោល​បំណង​ដើម្បីដឹកនាំក្រុមឡើងទៅកាន់ទីកំពូល តារាង បាល់ទាត់ស្កុតឡេនឡើងវិញ។

លោកPostecoglou មានវ័យ ៥៥ ឆ្នាំបានចូលរួមជាមួយក្លឹប Celticដើម្បីស្នងតំណែងគ្រូបង្វឹកលោក Neil Lennon បន្ទាប់ពីរូបលោកបានលាឈប់ពីក្លឹបនៅលីកកំពូលជប៉ុន (J League)គឺក្លឹប Yokohama F. Marinos ជាកន្លែងចុងក្រោយ​ដែលគាត់ បនកាន់កាប់តំណែងនេះតាំងពីឆ្នាំ ២០១៨ បន្ទាប់ពីធ្លាប់ដឹកនាំក្លឹបនៅក្រិក,ជប៉ុន និង ភាគច្រើននៅអូស្រ្តាលី រួចមក។

ក្លឹបCelticមានជំនឿថាគ្រូបង្វឹកដែលមានបទពិសោធន៏ធ្លាប់ដឹកនាំក្លឹបធំៗនៅអាស៊ីនិងអឺរ៉ុប ព្រមទាំងជម្រើសជាតិអូស្រា្តលី អាយុក្រោម១៧ឆ្នាំ​ និង ២០ឆ្នាំរូបនេះ និងជួយក្រុមទទួលបានចំណាត់ថ្នាក់ល្អឡើងវិញ ក្រោយពីបានបញ្ចប់រដូវកាល​មាន​គម្លា​តពីក្រុមជើងឯក Rangers រហូតដល់ទៅ២៥ ពិន្ទុឯណោះឯណោះ៕

ប្រភពព័ត៍មាន៖ Metro