អូឡាំពិកក្រុងតូក្យូ៖ កីឡាការិនី Emma McKeon បច្ចុប្បន្ន គឺជាម្ចាស់ក្សត្រីក្នុងព្រឹត្តិការណ៍អូឡាំពិក ឆ្នាំ២០២០ លើវិញ្ញាសាហែលទឹក និងជាម្ចាស់មេដាយមាសអូឡាំពិកដ៏អស្ចារ្យបំផុតរបស់អូស្ត្រាលី ក្រោយពីបានឈ្នះមេដាយមាសជាលើកទី៣របស់នាងក្នុងព្រឹត្តិការណ៍នៅទីក្រុងតូក្យូ បន្ទាប់ពីបាននាំមុខតាំងពីចាប់ផ្តើមរហូតបញ្ចប់ ក្នុងវិញ្ញាសាហែលសេរី ៥០ម៉ែត្រ។
កីឡាការិនី McKeon បានសារភាពបន្ទាប់ពីការប្រកួតនេះថា គោលបំណងរបស់នាងសម្រាប់យុទ្ធនាការនៅទីក្រុងតូក្យូ គឺការចូលរួមក្នុងការប្រកួតលើវិញ្ញាសាទាំងអស់នេះ និងឈ្នះមេដាយមាស។ McKeon វ័យ២៧ឆ្នាំ បានបង្កើតកំណត់ត្រាថ្មីក្នុងវិញ្ញាសាហែលសេរីចម្ងាយ៥០ម៉ែត្រនាព្រឹត្តិការណ៍អូឡាំពិក តាមរយៈការប្រើប្រាស់ថិរវេលា២៣,៨១វិនាទី ដើម្បីឈ្នះមេដាយមាស និងដើម្បីបន្ថែមទៅលើមេដាយមាសក្នុងវីញ្ញាសាហែលសេរីចម្ងាយ១០០ម៉ែត្រ និងហែលបណ្តាក់ចម្ងាយ ៤x១០០ម៉ែត្រ និងហែលជាក្រុមចម្ងាយ ៤x១០០ម៉ែត្រ ដើម្បីធ្វើឲ្យមេដាយមាសសរុបរបស់នាងកើនដល់៤ និងសរុបទាំងអស់ចំនួន៧ ដើម្បីក្លាយជាកីឡាការិនីហែលទឹកទី៥ដែលបានឈ្នះមេដាយមាសទាំងក្នុងវិញ្ញាសាចម្ងាយ៥០ម៉ែត្រ និង១០០ម៉ែត្រ។
McKeon បានប្រាប់ថា៖ «ការមកទីនេះ ដើម្បីឈ្នះមេដាយមាសគឺជាផែនការដែលគ្រូបង្វឹករបស់ខ្ញុំគឺលោក Michael Bohl និងរូបខ្ញុំផ្ទាល់ បានខិតខំព្យាយាមយ៉ាងខ្លាំង»៕
ប្រភពព័ត៌មាន៖ swimmingworldmagazine
