បរទេស៖ ខ្សែការពារ Wesley Fofana របស់ក្រុម Leicester បានរងរបួសជើងយ៉ាងធ្ងន់ធ្ងរអំឡុងការប្រកួតមិត្តភាពមុនបើករដូវកាលជាមួយក្រុមជើងឯក Europa League គឺ Villarreal ។ខ្សែការពារកណ្តាលក្រុមជម្រើសជាតិបារាំងអាយុក្រោម ២១ ឆ្នាំរូបនេះបានរងការប៉ះទង្គិចគ្នាជាមួយកីឡាករ Fer Nino ហើយត្រូវបង្ខំចិត្តចាកចេញពីទីលានប្រកួតក្រោយចំណាយពេលព្យាបាលអស់រយៈពេលជាច្រើននាទី។
:focal(1691x824:1693x822)/origin-imgresizer.eurosport.com/2021/08/05/3194587-65447008-2560-1440.jpg)
Fofana អាយុ ២០ ឆ្នាំគឺជាកីឡាករឆ្នើមវ័យក្មេងរបស់ក្រុមកញ្ជ្រោងខៀវ Leicester កាលពីរដូវកាលចាស់ បន្ទាប់ពីបង្ហាញទម្រង់លេងដ៏ល្អសម្រាប់រដូវកាលចាស់នៅលីកកំពូលអង់គ្លេសក្រោយផ្ទេរពីក្រុម Saint-Etienneក្នុងតម្លៃកំនត់ត្រា៣៦,៥លានផោន។ទោះយ៉ាងណាកីឡាករ Caglar Soyuncu, Harvey Barnes និង Ayoze Perez បានរកគ្រាប់បាល់ដ៏ល្អសម្រាប់ក្នុងការប្រកួតមិត្តភាពពោលគឺទទួលជ័យជំនះក្នុងលទ្ធផល ៣ទល់និង២ ។
ក្រុមម្ចាស់ជើងឯក FA Cup Leicesterនិងត្រូវជួបប្រកួតជាមួយក្រុមជើងឯកPremier League គឺមេឃខៀវ Manchester City ក្នុងការប្រកួតដណ្តើមពានរង្វាន់បើករដូវកាល Community Shield នៅថ្ងៃសៅរ៍ទី៧សីហាចុងសប្តាហ៏នេះ៕
ប្រភពព័ត៍មាន៖ BBC
