បរទេស៖ ព័ត៌មានដ៏គួរឱ្យរន្ធត់សម្រាប់ប្រទេសអាល្លឺម៉ង់និងមជ្ឈដ្ឋានបាល់ទាត់ទូទៅជុំវិញពិភពលោក បន្ទាប់ពីអតីតកីឡាករក្រុម Bayern Munich និងក្រុមឥន្ទ្រីយដែកអាល្លឺម៉ង់បន្ទាប់ពីវីរបុរសរបស់ពួកគេគឺលោក Gerd Muller បានទទួលមរណភាពនៅព្រឹកព្រលឹមថ្ងៃអាទិត្យនេះក្នុងវ័យ ៧៥ ឆ្នាំ។
ប្រធានក្រុមជើងឯក Bundesliga លោក Herber Hainer បាននិយាយថាថ្ងៃនេះគឺជាជាពេលដ៏ក្រៀមក្រំបំផុត សម្រាប់ FC Bayern Munich និងអ្នកគាំទ្រទាំងអស់ ។ Gerd គឺជាខ្សែប្រយុទ្ធដ៏អស្ចារ្យបំផុតដែលមិនធ្លាប់មាននិងជាមនុស្សល្អដែលមានចរិកលក្ខណៈស្រលាញ់បាល់ទាត់បំផុត ។ យើងទាំងអស់គ្នារួបរួមគ្នាកាន់ទុក្ខយ៉ាងជ្រាលជ្រៅបំផុតជាមួយភរិយារបស់គាត់ឈ្មោះ Uschi ក៏ដូចជាក្រុមគ្រួសាររបស់គាត់។ ក្លឹប FC Bayern នឹងទាំងអស់គ្នានៅចង់ចាំឈ្មោះរបស់គាត់ជារៀងរហូត។ Muller ត្រូវបានគេស្គាល់ថាជាឥស្សរជនដែលមានឥទ្ធិពលបំផុតនៅ Bayern Munich ក្រោយពីស៊ុតបាល់បញ្ចូលទីចំនួន ៥៦៦ គ្រាប់ក្នុង ៧០៧ ប្រកួតនិងជាអ្នកស៊ុតបញ្ចូលទីច្រើនជាងគេនៅក្នុងប្រវត្តិសាស្ត្រនៃក្របខ័ណ្ឌ Bundesliga ជាមួយនឹងការស៊ុតបញ្ចូលទីចំនួន ៣៦៥ គ្រាប់ ។
គាត់ក៏ជាអ្នកឈ្នះពានរង្វាន់បាល់ទាត់ពិភពលោកនិងEuro ជាមួយអាល្លឺម៉ង់និងបាល់មាស នៅឆ្នាំ ១៩៧០ ស្បែកជើងមាសនៅឆ្នាំ ១៩៧០ និង ១៩៧២ គឺអ្នកស៊ុតបញ្ចូលទីច្រើនជាងគេនៅក្របខ័ណ្ឌ Bundesliga ក្នុង ៧ រដូវកាលផ្សេងគ្នាផងដែររ ។ Muller ក៏នៅតែបានរួមចំណែកយ៉ាងសំខាន់ក្នុងការជួយដល់ក្លឹប Bayern Munich រហូតដល់ថ្ងៃអវសាន្តជីវិត យ៉ាងណាមិញគិតត្រឹមខែឧសភាឆ្នាំ២០២១នេះកំនត់ត្រានៃការរកគ្រាប់បាល់ច្រើនបំផុត ក្នុងរដូវកាលនៅក្របខ័ណ្ឌ Bundesliga តែមួយលើកត្រូវបានបំបែកដោយខ្សែយុទ្ធ Robert Lewandowski៕
ប្រភពព័ត៍មាន៖ Besoccer
