បរទេស៖ Memphis Depay បានបង្ហើបប្រាប់ថារូបគេមិនបាននិយាយពាក្យស្វាគមន៏និងរាក់ទាក់ជាមួយ Lionel Messi ទាល់តែសោះ​ពោលគឺនៅមុនពេលដែលវីរៈបុរសក្លឹបយក្សកាតាឡាន់រូបនេះបានចាកចេញពីក្រុម Barcelona ទៅកាន់ក្លឹបថ្មី Paris Saint-Germain ។ខ្សែប្រយុទ្ធអន្តរជាតិហូឡង់រូបនេះបានចុះហត្ថលេខាជាមួយក្លឹបយក្ស  La Liga ដោយគ្មានតម្លៃខ្លួន​ក្រោយ​បញ្ចប់​រដូវកាលចាស់ រក​បាន ២០ គ្រាប់និងបញ្ជូនបាល់ ឲ្យ មិត្តរួមក្រុមស៊ុតបញ្ចូលទីបាន ១២ ដងនៅលីគកំពូលបារាំង។

គួររំលឹកថាមូលហេតុសំខាន់នៃការចាកចេញរបស់ Depay ដើម្បីចូលរួមជាមួយBarcelona គឺមានបំណងធំបំផុតចង់លេងរួម​ក្រុម​ដោយចាប់ដៃគូជាមួយ Messiនៅតំបន់ប្រយុទ្ធ ។ ទោះយ៉ាងណាក្តីសុបិន្តរបស់អតីតកីឡាករ​Man.Utdរូបនេះ​មិន​បានសមប្រកបនោះទេ ក្រោយពីក្លឹបមិនអាចបន្តកុងត្រាថ្មីជាមួយម្ចាស់ពានបាល់មាស៦សម័យវ័យ៣៤ឆ្នាំបាន ទើបធ្វើអោយ​PSG មាន​ឪកាសផ្ទេរយកប្រធានក្រុមជម្រើសជាតិអាហ្សង់ទីនរូបនេះមករួមក្រុមបានដោយជោគជ័យ ។

Depay បានលើកឡើងយ៉ាងដូច្នេះថាៈខ្ញុំមិនទាំងបានស្គាល់គាត់(Messi) ផង។ គាត់មកយឺតពេលពោលគឺមនរដូវ​កាលថ្មី​ចាប់​​ផ្តើមដោយសារតែការសម្រាកបន្ទាប់ពីការប្រកួត Copa Américaហើយខ្ញុំមិនអាចសូម្បីតែជំរាបសួរសុខទុក្ខគាត់។ទោះ​យ៉ាងនេះក្តីDepay បានតាំងចិត្តយ៉ាងល្អសម្រាប់ការបង្ហាញខ្លួនចូលលេងនៅឯទឹកដី Camp Nou ក្រោយជួយអោយ​Gerrard Piqueរកគ្រាប់បាល់បើកឆាកក្នុងជ័យជម្នះ ៤ទល់និង២ លើក្រុម Real Sociedad កាលពីថ្ងៃអាទិត្យសប្តាហ៍មុន។ Depayក៏ទទទួលបានការស្វាគមន៏​យ៉ាងល្អពីសំណាក់មិត្តរួមក្រុមដបង្កលក្ខណៈងាយស្រួលលើបញ្ហាទំនាក់ទំនង​មានដូចជា​Gerrard Pique បានជួយ​បង្ហាត់​បង្ហាញ ភាសាអង់គ្លេសនិងមិត្តរួមក្រុមJordi Albaធ្វើអោយបរិយាកាសមានភាពសប្បាយ​រីករាយ ព្រមទាំងមិត្តរួមជាតិហូឡង់ Frankie De Jonk និង Sergio Dest ។Depay បានបន្ថែមថា​រូបគេ​ក៏​មាន​ទំនាក់ទំនង​ល្អបំផុតជាមួយ ទំនាក់ទំនងដ៏រ៉ឺងម៉ាំ​ជាមួយគ្រូបង្វឹក Ronald Koeman ផងដែរ៕

ប្រភពព័ត៍មាន៖ 90min