បរទេស៖ បន្ទាប់ពីបាននាំយក Nikola Vlasic ពីក្លិប CSKA Moscow ក្នុងតម្លៃខ្លួន៣០លានអឺរ៉ូ (ស្មើនឹង៣៥,៤លានដុល្លារអាមេរិក) ក្លិប West Ham បាននាំយក Alex Kral ពីក្លិប Spartak Moscow ក្នុងលក្ខខណ្ឌខ្ចីជើងពេញមួយរដូវកាល ជាមួយនឹងជម្រើសក្នុងការទិញយកដាច់ក្នុងតម្លៃខ្លួន១៣លានអឺរ៉ូ។
លោក David Moyes មានបំណងចង់ពង្រឹងក្រុមរបស់លោក ដើម្បីអាចមានសមត្ថភាពក្នុការប្រជែងក្នុងក្របខ័ណ្ឌ Europa League ហើយអ្នកចាត់ការទូទៅរូបនេះ បានទទួលការគាំទ្រដ៏គួរឲ្យចាប់អារម្មណ៍ពីសំណាក់ក្រុមប្រឹក្សារបស់ក្លិប។
ក្លិប West Ham បានពង្រឹងតំបន់ការពាររបស់ពួកគេ តាមរយៈការចុះហត្ថលេខាជាមួយនឹងខ្សែការពារ Kurt Zouma ក្នុងតម្លៃខ្លួន២៩,៨លានផោន (ស្មើនឹង៤១លានដុល្លារអាមេរិក) ពីក្លិប Chelsea កាលពីថ្ងៃសៅរ៍សប្តាហ៍មុន ហើយពួកគេពិតជាមមាញឹកក្នុងទីផ្សារដោះដូរកីឡាករ។ West Ham បានពង្រឹតំបន់ប្រយុទ្ធរបស់ខ្លួន តាមរយៈការនាំយក Vlasic និងពង្រឹងតំបន់បម្រើ ដោយការនាំយក Kral៕
ប្រភពព័ត៌មាន៖ The Guardian
