បរទេស៖ វីរបុរសក្រុមហង្សក្រហម Liverpool លោក Didi Hamann បានព្យាករណ៏ ថាក្រុមបិសាចក្រហម Man.Utd នឹងបញ្ចប់តំណែងលោក Ole Gunnar Solskjaer ចេញពីគ្រូបង្គោលឈុតធំក្នុងពេលឆាប់ៗនេះ។ ៣ប្រកួតចុងក្រោយសម្រាប់ការប្រកួតក្នុងស្រុក ក្រោមការដឹកនាំរបស់គ្រូបង្វឹកសញ្ជាតិន័រវេគឺមិនទាន់ស្គាល់ឈ្នះក្រោយស្មើ Everton កាលពីថ្ងៃសៅរ៍និងចាញ់ Aston Villaកាលពីសប្តាហ៏ទី៦ ព្រមទាំងធ្លាក់ចេញពីការប្រកួតពានរង្វាន់EFL Cup រឺ Carabao Cup ក្រោមថ្វីជើងក្រុមញញួរធំ West Ham ។
ថ្វីត្បិតតែបានចុះហត្ថលេខានាំយកតារាឆ្នើមលំដាប់ពិភពលោកមករួមក្រុមមានដូចជាRaphael Verane ,Jadon Sancho និង Ronaldo ជាដើមមុនចាប់ផ្តើមរដូវកាលនេះ ប៉ុន្តែMan Unitedបច្ចុប្បន្នឈរនៅលេខរៀងទី ៤ ក្នុងតារាង Premier League និងតាមពីក្រោយក្រុមកំពូលតារាង Chelsea ២ ពិន្ទុ ។
អតីតខ្សែបម្រើក្រុមជម្រើសជាតិអាឡឺម៉ង់ Hamannបានលើកឡើងប្រាប់ ទូរទស្សន៏SkySportsយ៉ាងដូច្នេះថាៈ «ដល់ ពេលវេលា ដែល ក្លឹប ត្រូវរកគ្រូបង្វឹក មកជំនួសអ្នកចាត់ការដែលគ្មានបទពិសោធន៍ដូចជាOle ។ ទម្រង់លេងរបស់ក្រុម ពេលថ្មីៗនេះគឺពិតជាគួរឱ្យអាណិតបំផុត។ ផ្ទុយទៅវិញហេតុផលសំខាន់តែមួយគត់ដែលធ្វើឱ្យក្រុមនៅតែប្រជែងដណ្តើមពាន Premier League និងធ្វើបានល្អក្របខ័ណ្ឌ Champions League នោះគឺវត្តមាន Cristiano Ronaldo ។ខ្ញុំមិនដឹងថាពួកគេនឹងដើរដល់ចំនុចណានោះទេនៅរដូវកាលនេះប្រសិនជាគ្មានរូបគាត់និងគ្រាប់បាល់ស៊ុតបញ្ចូលទី។ ។ Old Trafford ដែលធ្លាប់បានដើរតួជាល្ខោននៃក្តីស្រមៃដ៏ជោគជ័យឥឡូវនេះវាក៏និងអាចក្លាយជាកន្លែងរោងល្ខោននៃសុបិន្តអាក្រក់ដូច្នេះដែរ»៕
ប្រភពព័ត៍មាន៖ Metro
