បរទេស៖ ក្លឹបហង្សក្រហម Liverpool ត្រូវបានគេរាយការណ៍ថា បានឈ្នះការប្រជែងក្នុងការចុះហត្ថលេខាលើខ្សែប្រយុទ្ធរបស់ Porto កីឡាករ Luis Diaz ក្នុងខែមករានេះ។
កីឡាករអន្តរជាតិកូឡុំប៊ីត្រូវបានគេយល់ឃើញថាជាគោលដៅចំបងរបស់ក្រុម Tottenham Hotspur ដែលទើបតែខកខានការចុះហត្ថលេខាលើ Adama Traore ដែលទើបតែផ្ទេរទៅ Barcelona។ យ៉ាងណាមិញ Liverpool ក៏ត្រូវបានផ្សារភ្ជាប់ជាយូរមកហើយជាមួយនឹងកីឡាករ Diaz ទន្ទឹមគ្នាជាមួយអនាគតមិនច្បាស់លាស់របស់ Mohamed Salah និង Sadio Mane នៅ Anfield ។
បើយោងតាមកាសែត The Athletic បានឲដឹងថា ក្រុម Liverpool នឹងផ្តួលក្រុម Tottenham ដើម្បីចុះហត្ថលេខារបស់ Diaz ជាមួយនឹងតម្លៃដែលអាចឈានដល់ 60 លានអឺរ៉ូ (50 លានផោន) ជាមួយនឹងប្រាក់បន្ថែមផ្សេងៗទៀត។ គួរបញ្ជាក់ផងដែរថា Diaz បានស៊ុតបញ្ចូលទីបាន 16 គ្រាប់ និង Assists បាន 6 ដងក្នុងការបង្ហាញខ្លួនចំនួន 28 ប្រកួតនៅគ្រប់ការប្រកួតទាំងអស់ក្នុងរដូវកាលនេះ។ អតីតកីឡាករ Barranquilla បច្ចុប្បន្នកំពុងបំពេញកាតព្វកិច្ចអន្តរជាតិជាមួយប្រទេសកូឡុំប៊ី៕
ប្រភពព័ត៍មាន៖ Sportsmole
