បរទេស៖ កីឡាករ Memphis Depay ត្រូវបានក្លឹប Napoli បង្ហាញការចាប់អារម្មណ៏ចង់បានរូបគេទៅរួមក្រុមនៅរដូវកាលថ្មី។ គួរបញ្ជាក់ថាខ្សែប្រយុទ្ធវ័យ ២៨ឆ្នាំរូបនេះបានចូលរួមជាមួយក្លឹបយក្សកាតាឡានពី Lyon កាលពីដើមរដូវកាលមុន ហើយបានបង្ហាញខ្លួនចំនួន ២៣ លើក នៅរដូវកាលនេះដោយរកបាន ៨ គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទី២លើកផងដែរ។
Memphis នៅមានកុងត្រារយៈពេល១៨ខែទៀតនៅ Camp Nou ប៉ុន្តែ ក្នុងប៉ុន្មានខែថ្មីៗនេះ Barcelona បានបញ្ជក់ថាពួកគេ និងបើកចំហរក្នុងការអនុញ្ញាតឱ្យអតីតខ្សែប្រយុទ្ធ PSV និង Barcelona ចាកចេញ។ យោងគេហទំព័រ Calciomercato បានលើកឡើងថាៈ Napoli មានំណងចង់នាំយក Depay ដើម្បីជំនួសការចាកចេញរបស់ខ្សែប្រយុទ្ធអន្តរជាតិអ៊ីតាលីកីឡាករ Lorenzo Insigne ដែលបានចាកចេញទៅលេងនៅលីកកំពូលសហរដ្ឋអាមេរិកទៅហើយនោះ។
ខណៈដែល Barcelona បានចុះហត្ថលេខានាំយក Ferran Torres, Adama Traore និង Pierre-Emerick Aubameyang ក្នុងខែមករា ដើម្បីបង្កើនជម្រើសប្រយុទ្ធរបស់ពួកគេ ស្របពេល Erling Braut Haaland របស់ Borussia Dortmund គឺនៅជាជម្រើសអាទិភាពដដែល៕
ប្រភពព័ត៍មាន៖ Sportsmole
