បរទេស៖ ក្រុម Inter Milan បានឈ្នះពាន Italian Cup ជាលើកទី៨របស់ពួកគេ កាលពីថ្ងៃពុធ ក្រោយពីបានយកឈ្នះលើគូប្រជែងចាស់ Juventus ក្នុងលទ្ធផល ៤-២ នៅនាទីបន្ថែម១៥នាទី២ដង ដែលពោរពេញដោយភាពចម្រូងចម្រាស់។
កីឡាករ Ivan Perisic បានជួយឲ្យក្រុម Inter Milan ដណ្តើមបានជ័យជម្នះដ៏រំភើប តាមរយៈការស៊ុតបាល់បញ្ចូលទី២គ្រាប់នៅនាទីបន្ថែម១៥នាទីលើកទី១ ប៉ុន្តែ ការប្រកួតនេះ បានជួបភាពចម្រូងចម្រាស់ដោយសារតែការផ្តល់បាល់ពិន័យប៉េណាល់ទី ដល់កីឡាករ Hakan Calhanoglu ដែលបានស៊ុតបាល់បញ្ចូលទីដើម្បីធ្វើឲ្យការប្រកួតឈានដល់នាទីបន្ថែម។
សម្រាប់ Inter នេះគឺជាការដណ្តើមបានជ័យជម្នះមួយផ្សេងទៀតលើក្រុម Juventus ក្រោយពីបានឈ្នះពាន Italian Super Cup កាលពីដើមរដូវកាលនេះ និងជួយឲ្យពួកគេកាន់តែមានការជឿជាក់លើការពារពានក្របខ័ណ្ឌ Serie A របស់ពួកគេ។ Inter Milan កំពុងតែដេញតាមពីក្រោយ AC Milan ចំនួន២ពិន្ទុ ហើយអាចនឹងបាត់បង់ពាននេះ ប្រសិនបើពួកគេមិនអាចផ្តួលក្រុម Cagliari នៅថ្ងៃអាទិត្យបានទេនោះ៕
ប្រភពព័ត៌មាន៖ Channel News Asia
