បរទេស៖ ក្រុម Bayern Munich ត្រូវបានដាក់ឲ្យស្ថិតក្នុងពូលតែមួយ ជាមួយនឹងក្រុម Barcelona របស់ខ្សែប្រយុទ្ធ Robert Lewandowski ក្នុងការចាប់ឆ្នោតកាលពីថ្ងៃព្រហស្បតិ៍ សម្រាប់ការប្រកួតក្របខ័ណ្ឌ UEFA Champions League វគ្គចែកពូល ក្នុងទីក្រុង Istanbul ស្របពេលដែលខ្សែប្រយុទ្ធ Erling Haaland នឹងត្រូវជួបជាមួយនឹងអតីតក្រុមរបស់ខ្លួន ក្នុងពេលក្រុម Manchester City ត្រូវប៉ះជាមួយនឹងក្រុម Borussia Dortmund។
ក្រុម Bayern និង Barcelona ក៏នឹងត្រូវប៉ះជាមួយនឹងក្រុម Inter Milan ក្នុងពូល C ផងដែរ ដែលត្រូវបំពេញដោយក្រុមម្ចាស់ជើងឯកក្រិក Viktoria Plzen។ ក្រុម Bayern បានផ្តួលក្រុម Barcelona ក្នុងលទ្ធផល ៨-២ ក្នុងការប្រកួតតែមួយជើងនៃវគ្គ៨ក្រុមចុងក្រោយ ក្នុងទីក្រុង Lisbon ក្នុងឆ្នាំ២០២០ ស្របពេលដែលក្រុមមានមូលដ្ឋាននៅ Catalonia មួយនេះ ក៏បានរងបរាជ័យក្នុងលទ្ធផល ៣-០ ផងដែរ ក្រោមស្នាដៃក្រុមរបស់អាល្លឺម៉ង់ផងដែរ កាលពីរដូវកាលមុន ខណៈដែលពួកគេបានធ្លាក់ចេញត្រឹមវគ្គចែកពូល។
Lewandowski វ័យ៣៤ឆ្នាំ បានផ្ទេរទៅកាន់ក្លិប Barcelona ក្នុងពេលបិទរដូវកាល សម្រាប់តម្លៃខ្លួនដែលអាចកើនដល់៥០លានអឺរ៉ូ (ស្មើនឹង៥០លានដុល្លារអាមេរិក) ក្រោយពីបានស៊ុតបាល់បញ្ចូលទី៣៤៤គ្រាប់ ក្នុងរយៈពេល៨ឆ្នាំនៅក្លិប Bayern។ លោក Hasan Salihamidzic នាយកផ្នែកកីឡារបស់ Bayern បានឲ្យដឹងថា៖ «មានតែបាល់ទាត់ប៉ុណ្ណោះដែលសរសេររឿងរ៉ាវបែបនេះ»។ ការប្រកួតវគ្គចែកពូលនេះ នឹងចាបផ្តើមនៅចន្លោះថ្ងៃទី៦ ខែកញ្ញា និងថ្ងៃទី២ ខែវិច្ឆិកា៕
លទ្ធផលនៃការចាប់ឆ្នោតទាំងស្រុង
ពូល A៖ Ajax, Liverpool, Napoli, Rangers
ពូល B៖ Porto, Atletico Madrid, Bayer Leverkusen, Club Bruges
ពូល C៖ Bayern Munich, Barcelona, Inter Milan, Viktoria Plzen
ពូល D៖ Eintracht Frankfurt, Tottenham, Sporting Lisbon, Marseille
ពូល E៖ AC Milan, Chelsea, RB Salzburg, Dinamo Zagreb
ពូល F៖ Real Madrid, RB Leipzig, Shakhtar Donetsk, Celtic
ពូល G៖ Manchester City, Sevilla, Borussia Dortmund, FC Copenhagen
ពូល H៖ Paris St-Germain, Juventus, Benfica, Maccabi Haifa
ប្រភពព័ត៌មាន៖ Channel News Asia