Elise Christie បានបរាជ័យម្ដងទៀតក្នុងការដណ្ដើមមេដាយ ក្នុងការប្រកួតស្គីចម្ងាយ ៥០០ម៉ែត្រ វគ្គផ្ដាច់ព្រ័ត្រក្នុងការប្រកួតល្បែងអូឡាំពិករដូវរងានៅកូរ៉េខាងត្បូង រហូតដល់ហូរទឹកភ្នែករហាម។
ជើងឯកស្គីពិភពលោកបីសម័យ Cristie ត្រូវបានគេប្រទះឃើញថា បានដួលយ៉ាងដំណំពេលកំពុងប្រកួត។ បើតាមសាម៊ីខ្លួន Cristie ផ្ទាល់ បាននិយាយថា ការដួលនេះ មិនមែនជាការដួលដោយខ្លួនឯងនោះទេ។ ផ្ទុយទៅវិញ កីឡាការិនីរូបនេះ គិតថា ខ្លួនត្រូវបានគេប៉ះឲ្យដួលទៅវិញ។
ក្នុងវគ្គផ្ដាច់ព្រ័ត្រនេះ កីឡាការិនីអ៊ីតាលី Arianna Fontana បានមេដាយមាសក្នុងប្រកួតនេះ ខណៈ Yara van Kerkhof បានមេដាយប្រាក់ ឯកីឡាការិនីកាណាដា Kim Boutin បានមេដាយសំរឹទ្ធ។ ដោយឡែក Cristie បានលេង ៤ ខណៈកីឡាការិនីកូរ៉េ Choi Minjeong បានលេង ៥។
សូមបញ្ជាក់ផងដែរថា កាលពីឆ្នាំ ២០១២ នៅការប្រកួតអូឡាំពិកនៅរុស្ស៊ី កីឡាការិនីស្គី Elise Christie ក៏បានដួលដែរក្នុងវិញ្ញាសាប្រកួតវិញ្ញាសា ៥០០ម៉ែត្រនេះ៕
Via: Sabay
ជើងឯកស្គីពិភពលោក៣សម័យ ទឹកភ្នែករហាម ក្រោយដួលក្នុងវគ្គផ្ដាច់ព្រ័ត្រនៃកម្មវិធីប្រកួតស្គីអូឡាំពិកចម្ងាយ ៥០០ម៉ែត្រ
អត្ថបទទាក់ទង
