ប្រដាល់៖ បើតាមការលើកឡើងរបស់ការសែតអង់គ្លេស The Telegraph បានឲ្យដឹងថា ជំនួបរវាងកីឡាករប្រដាល់មិនទាន់ស្គាល់ចាញ់ដូចគ្នាគឺ Anthony Joshua ហើយនឹង Joseph Parker បានដាក់ខ្សែក្រវាត់ទម្ងន់ធ្ងន់ពិភពលោកដូចគ្នា ហើយវាក៏ជាការប្រកួតដ៏ធំលើកដំបូងផងដែរក្នុងឆ្នាំ២០១៨ នេះ។
អ្នកប្រដាល់សញ្ជាតិនូវែលហ្សេឡង់ Parker ដែលបច្ចុប្បន្នមានវ័យ ២៦ឆ្នាំរូបនេះ បានដាក់ខ្សែក្រវាត់ទម្ងន់ធ្ងន់ពិភពលោករបស់ខ្លួនគឺរបស់ស្ថាប័ន WBO ចំណែកឯ Joshua ដែលមានវ័យ ២៨ឆ្នាំបានដាក់ខ្សែក្រវាត់ WBA និង IBF ដែលជាការប្រកួតដ៏សម្បើមមួយនៅដើមឆ្នាំ២០១៨។ ដោយឡែកឯកាលបរិច្ឆេទវិញគឺធ្វើឡើងនៅថ្ងៃទី៣១ ចុងខែមិនានេះនៅលើសង្វៀនប្រដាល់ប្រទេសវែលក្នុងកីឡដ្ឋាន Cardiff’s Principality ជាកន្លែងដែល Joshua គេទទួលបានជោគជ័យក្នុងការការពារខ្សែក្រវាត់ខ្លួន WBA, IBF និង IBO ពេលជួប Carlos Takam របស់បារាំងកន្លងទៅនៅឆ្នាំ២០១៧។
ការប្រកួតរវាងអ្នកទាំងពីរនឹងត្រូវផ្សាយលើទូរទស្សន៍កីឡាល្បីរបស់ពិភពលោក Sky Sport Box Office ខណៈដែលជុំវិញតម្លៃខ្លួនវិញត្រូវបានអ្នកការសែតជាន់ខ្ពស់របស់ Daily Telegraph លោក Jamie Pandaram បានបង្ហើបឲ្យដឹងថា សម្រាប់ Joseph Parker ទទួលបានមិនក្រោម ៣០លានក្នុងការប្រកួត ហើយ Joshua វិញអាចច្រើនជាង ៤៥លានដុល្លារ តែសម្រាប់ Parker វិញនេះជាតម្លៃខ្លួនខ្ពស់បំផុតរបស់គេមិនធ្លាប់មានពីមុខមក៕
Via: bayon
កីឡាករ Anthony Joshua នឹងជួប Joseph Parker ដាក់ខ្សែក្រវាត់រៀងខ្លួនក្នុងជំនួបចុងខែមិនាខាងមុខនេះ
អត្ថបទទាក់ទង