ប្រណាំងកង់៖ កីឡាករប្រណាំងកង់អាល្លឺម៉ង់ Marcel Kittel បានប្រជែងឈ្នះដំណាក់កាលទី6 នៃព្រឹត្តិការណ៍ប្រណាំងកង់ Tirreno-Adriatico បន្ទាប់ពីប្រជែងឈ្នះ Peter Sagan នៅចំណុចចុងក្រោយ។
ការប្រកួតដំណាក់កាលទី6 លើចម្ងាយផ្លូវ 153km Marcel Kittel និងកីឡាករស្លូវ៉ាគី Peter Sagan បានប្រជែង គ្នាយ៉ាងស្វិតស្វាញនៅចំណុចចុងក្រោយ តែកីឡាកររបស់ក្រុម Katusha, Marcel Kittel ជាអ្នកមកដល់ទីព្រ័ត្រមុនប្រើថេរវេលា 3ម៉ោង 49នាទី 54វិនាទី តាមពីក្រោយដោយ Peter Sagan និងលេខ3 កីឡាករអាហ្សង់ទីន Maximiliano Richeze។ យ៉ាងណាក៏ដោយក្រោយចប់ដំណាក់កាលទី6 នេះកីឡាកររបស់ក្រុម Team Sky សញ្ជាតិប៉ូឡូញ Michal Kwiatkowski ជាអ្នកគ្រប់គ្រងតារាងថេរវេលារួមទោះបីបញ្ចប់ដំណាក់កាលនៅលេខ16 ក៏ដោយ ពោលគឺមានថេរវេលាសរុបល្អជាងគេ 25ម៉ោង 21នាទី 22វិនាទី តាមពីក្រោយដោយកីឡាកររបស់ក្រុម BMC Racing សញ្ជាតិអ៊ីតាលី Damiano Caruso យឺតជាង 3វិនាទី និង កីឡាករអេស្ប៉ាញ Mikel Landa របស់ក្រុម Movistar យឺតជាង 23វិនាទី។ ដំណាក់កាលទី7 ថ្ងៃនេះមានចម្ងាយផ្លូវ 21.5km ជាដំណាក់កាលប្រណាំងយកថេរវេលាផ្ទាល់ខ្លួន៕
Via: Bayon
Marcel Kittel ឈ្នះដំណាក់កាលទី6 នៃប្រណាំងកង់កម្មវិធី Tirreno-Adriatico
អត្ថបទទាក់ទង