ជើងខ្លាំងរបស់ប្រទេសថៃ ដែលមិនទាន់ស្គាល់ពាក្យថាចាញ់ក្នុងវគ្គសន្សំពិន្ទុខ្សែក្រវាត់ CNC នឹងត្រាក់កាន សរសើរ កីឡាករ ឡៅ ចន្រ្ទា ថាល្អគ្រប់ស្នៀត ប៉ុន្តែប៉ះគ្នាថ្ងៃអាទិត្យនេះ នឹងវ៉ៃដោយប្រើខួរក្បាលយកឈ្នះម្ដងទៀត។
នឹងត្រាក់កាន បានឲ្យដឹងថា កីឡាករកម្ពុជា ឡៅ ចន្រ្ទា រូបនេះ គឺល្អគ្រប់ក្បាច់ទាំងអស់ មិនថាដៃ ជើង ឬកែងទេ សុទ្ធតែល្អ ជាពិសេសទៀតនោះរឹងមាំ។ ប៉ុន្តែអ្នកប្រដាល់ឆ្លងដែនមកពីថ្ងៃខាងលើ មិនបានខ្លាចញញើតអ្វីឡើយ ពោលនឹងខំប្រឹងហ្វឹកហាត់ឲ្យខ្លាំងជាងពេលប្រកួតជាមួយ មាស សុជាតិ កន្លងទៅទៀត។
សម្រាប់ការប្រកួតលើកទី២នេះ កីឡាករមកពីប្រទេសជិតខាងកម្ពុជារូបនេះ មិនឲ្យ ឡៅ ចន្រ្ទា មានប្រៀបលើចំណុចណាមួយឡើយ។ ចំពោះចំណុចដែលត្រូវពង្រឹងខ្លាំងជាងគេ ដើម្បីត្រៀមប៉ះអ្នកលេងគុនខ្មែរនោះ គឺកណ្ដាប់ដៃ ព្រោះហាក់នៅខ្សោយ។ ការប៉ះគ្នាលើកទី២នេះ នឹងព្យាយាមប្រើខួរក្បាល វ៉ៃតាមបច្ចេកទេសក្នុងការយកឈ្នះជាថ្មីម្ដងទៀត។
កីឡាករថៃ នឹងត្រាក់កាន ធ្លាប់ឈ្នះ ឡៅ ចន្រ្ទា ដោយពិន្ទុម្ដងហើយក្នុងកម្មវិធីប្រកួតម៉ារ៉ាតុងរបស់សង្វៀន CNC កាលខែកញ្ញា ២០១៧ មកម្ល៉េះ។ ពួកគេនឹងត្រូវប៉ះគ្នាជាថ្មីនាព្រឹកថ្ងៃអាទិត្យចុងសប្ដាហ៍នៅ CNC ក្នុងជំនួបប្រកួតចុងក្រោយនៃវគ្គសន្សំពិន្ទុក្នុងពូល។ កុំភ្លេចតាមដានទស្សនា ថាតើអ្នកណាបាន៣ពិន្ទុបន្ថែម៕
នឹងត្រាក់កាន៖ ឡៅ ចន្រ្ទា ល្អគ្រប់ស្នៀត ប៉ុន្តែនឹងប្រើខួរក្បាលវ៉ៃយកឈ្នះម្ដងទៀត
អត្ថបទទាក់ទង
