យោងគេហទំព័រ The Sun បានចុះផ្សាយថាខ្សែប្រយុទ្ធ Luis Suarez របស់ក្រុម Barcelona នៅតែផ្តោតការយកចិត្តទុកដាក់ទៅលើជីវភាពរស់នៅ និងវិស័យកីឡារបស់ ប្រិយមិត្តគាំទ្រក្លឹបក្រុមហង្សក្រហម Liverpool ដែលជាអតីតក្រុមនាំអោយរូបគេល្បីល្បាញមុនពេលផ្ទេរទៅ Barcelona។ យ៉ាងណាមិញខ្សែប្រយុទ្ធឆ្នើមចាស់វស្សារូបនេះបានធ្វើការផ្តល់ជាគំនិតនិងយោបល់ ក្រុម Liverpool ធ្វើការពិចារណា ចុះកិច្ចសន្យានាំយកខ្សែប្រយុទ្ធ Maxi Gomez បច្ចុប្បន្នកំពុងលេង អោយក្រុម Celta Vigo ដើម្បីយកមកពង្រឹងក្រុម។ សម្តីរបស់ Suarez អាចជួយឱ្យ Liverpool ត្រូវផ្តោតអារម្មណ៏ខ្លាំងទៅលើ Gomez ស្របពេលក្រុម Celta Vigo ប្រឈមនិងការកាត់ចេញនៅរដូវកាលនេះក្រោយមានគម្លាត ២ពិន្ទុប៉ុណ្ណោះពីក្រុម Villareal គិតត្រឹមសប្តាហ៏ទី២៦។
Gomez កីឡាករអន្តរជាតិអ៊ុយរូហ្គាយ ត្រូវបានមិត្តរួមជាតិ Luiz Suarez ប្រាប់ថាគឺជាខ្សែប្រយុទ្ធម្នាក់ដែលសក្តិសមក្នុងការផ្លាស់ទៅលេងនៅទឹកដី Anfield។ Gomez វ័យ ២៣ឆ្នាំគឺជាខ្សែប្រយុទ្ធវ័យក្មេងមួយរូបដែលបានចូលប្រឡូក នៅទ្វីបអឺរ៉ុបហើយគាត់មានទំនាក់ទំនងក្នុង ការផ្លាស់ទៅកាន់ក្របខ័ណ្ឌ Premier League កាលពីខែមករា ២០១៩ មុនពេលរូបគេបន្តលេង ក្របខ័ណ្ឌ La Liga បន្តទៀត។
Chelsea, West Ham និង Liverpool បានបង្ហាញចំណាប់អារម្មណ៏មកលើរូបគេ ខណៈដែលតម្លៃខ្លួនរបស់ខ្សែប្រយុទ្ធជើងស៊ុតរូបនេះមានប្រមាណ ៥០លានអឺរ៉ូ។ មានក្រុមមួយចំនួនបានផ្តល់ជូននៅខែមករានៅទឹកប្រាក់ប្រមាណ ៣៥លានអឺរ៉ូប៉ុន្តែក្លឹប Celta បានច្រានចោល ប៉ុន្តែយ៉ាងណាមិញក្រុមនិងអាចធ្វើការ ផ្លាស់ប្តូរចិត្ត ប្រសិនក្រុមពួកគេត្រូវបានកាត់ចោលទៅលេងនៅក្របខណ្ឌលំដាប់ទី២ រដូវកាលក្រោយដើម្បីសម្រាលបន្ទុក។ រដូវកាល ២០១៨-២០១៩ នេះ Gomez រកបាន គ្រាប់បាល់ បញ្ចូលទី ៩គ្រាប់ និង Assist ៥គ្រាប់ហើយអោយក្រុម Celta Vigo សម្រាប់ក្របខណ្ឌ La Liga។
កែសម្រួលដោយ៖ Cambosport
ប្រភព៖ sport-english