កីឡាករ Floyd Mayweather អាយុ៣៨ឆ្នាំ បានគ្រប់គ្រងតំណែងជើងឯកពិភពលោកចំនួន៥ (5-division World champion) ដោយមានប្រវត្តិប្រកួតចំនួន៤៧លើក ឈ្នះទាំង៤៧លើក និងផ្តួលដៃគូឲ្យសន្លប់ចំនួន២៦លើក។ ចំណែក Pacquiao អាយុ៣៦ឆ្នាំ គ្រប់តំណែងជើងឯកពិភពលោករហូតដល់ទៅ៨ (8-division world champion) ដោយប្រកួតបាន៦៤លើក ឈ្នះ៥៧លើក (ធ្វើឲ្យប្រកួតសន្លប់៣៨លើក) ចាញ់៥លើក និងស្មើ២លើក។
ប្រកួតចុងក្រោយកីឡាករ Floyd Mayweather បានក្លាយជាម្ចាស់ខ្សែក្រវាត់នាជំនួបនៃព្រឹត្តិការណ៍ «The Fight of the Century» នៅសង្វៀន MGM Grand Garden Arena ក្នុងទីក្រុងឡាសវេហ្កាស សហរដ្ឋអាមេរិកនៅព្រឹកថ្ងៃអាទិត្យ ទី៥ ខែឧសភា ឆ្នាំ២០១៥ កន្លងមកនេះ។ កីឡាកររូបនេះ ទទួលបានពិន្ទុជាឯកច្ឆ័ន្ទពីចៅក្រម លើស Manny Pacquiao ១១៨-១១០, ១១៦-១១២, ១១៦-១១២។
កីឡាករទាំងពីរសុទ្ធតែមានប្រវត្តិបំបាក់កីឡាករឆ្នើមៗចំនួន៥ (Famous Five) លើពិភពលោក ដែលក្នុងនោះមាន Juan Manuel Marquez, Ricky Hatton, Oscar De La Hoya, Shane Mosley និង Miguel Cotto។
បើតាម CNN ការផ្គូផ្គងកីឡាករទាំងពីរនេះ បានចំណាយពេលអស់រយៈពេលប្រមាណ៥ឆ្នាំ។ ចំណូលដែលទទួលបានពីការរៀបចំឲ្យមានជំនួបនៅថ្ងៃអាទិត្យនេះ ត្រូវបានគេរំពឹងថា នឹងចាប់ពី៣០០លាន ទៅ៤០០លានដុល្លារអាមេរិក។ សំបុត្រដែលថោកបំផុតមានតម្លៃ១៥០០ដុល្លារអាមេរិក ហើយឡើងដល់៨០០០ដុល្លារ ៤០០ ០០០ដុល្លារ និង៥០០ ០០០ដុល្លារអាមេរិក៕
Floyd Mayweather គ្រប់គ្រងតំណែងជើងឯកពិភពលោកចំនួន៥ (5-division World champion) មុនជួប Pacquiao
អត្ថបទទាក់ទង
