លោក Kobe Bryant អតីតកីឡាបាល់បោះដ៏ឆ្នើមរបស់ក្របខ័ណ្ឌ NBA បានស្លាប់កាលពីថ្ងៃអាទិត្យ នៅពេលដែលឧទ្ធម្ភាគចក្រមួយគ្រឿងបានផ្ទុះឆេះ ក្រោមលក្ខខណ្ឌអាកាសធាតុចុះអាប់ខ្លាំង នៅជាយទីក្រុង Los Angeles ដោយបានសម្លាប់រាល់អ្នកដំណើរទាំង៩នាក់ និងបានធ្វើឲ្យពិភពកីឡានាំគ្នាកាន់ទុក្ខ។
Bryant វ័យ៤១ឆ្នាំ បានធ្វើដំណើរជាមួយនឹងកូនស្រីរបស់ខ្លួនឈ្មោះថា Gianna វ័យ១៣ រួមជាមួយនឹងអ្នកដំណើរ និងអ្នកបើកបរយន្តហោះ៧នាក់ផ្សេងទៀត នៅពេលដែលឧទ្ធម្ភាគចក្រ Sikorsky S-76 របស់ពួកគេ បានបុកភ្នំ នៅតំបន់ Calabasas ភាគខាងលិចនៃទីក្រុង Los Angeles។
មិនមាននរណាម្នាក់រួចផុតពីការស្លាប់ឡើយ។ Bryant ដែលធ្លាប់ឈ្នះពានជើងឯកក្របខ័ណ្ឌ NBA ៥សម័យកាល និងជាម្ចាស់មេដាយមាស២សម័យកាល ត្រូវបានចាត់ទុកថា ជាកីឡាករម្នាក់ក្នុងចំណោមកីឡាករបាល់បោះដ៏ឆ្នើមបំផុតក្នុងប្រវត្តិសាស្ត្រ ហើយលោកបានកសាងភាពល្បីល្បាញរបស់លោក ក្នុងពេលលេងឲ្យក្លិប Los Angeles Lakers រយៈពេល២០ឆ្នាំ។ ក្រុមពន្លត់អគ្គីភ័យ និងក្រុមគ្រូពេទ្យ បានខិតខំព្យាយាមយ៉ាងខ្លាំង ដើម្បីទៅឲ្យកន្លែងយន្តហោះកំពុងតែផ្ទុះឆេះ ប៉ុន្តែ មិនបានរកឃើញអ្នកដែលនៅរស់ឡើយ៕
ប្រភពព័ត៌មាន៖ Channel News Asia
លោក Kobe Bryant អតីតកីឡាបាល់បោះដ៏ឆ្នើម និងកូនស្រី ស្លាប់ក្នុងគ្រោះថ្នាក់ធ្លាក់ឧទ្ធម្ភាគចក្រ
អត្ថបទទាក់ទង
