កំពូលអ្នកប្រយុទ្ធក្នុងទ្រុងកីឡាករ Khabib Nurmagomedov បាននិយាយថា គាត់មិនញញើតចំពោះការប្រកួតជាមួយស្ដេចប្រដាល់របស់សហរដ្ឋអាមេរិកកីឡាករ Floyd Mayweather នោះទេ ដោយបានដាក់លក្ខខណ្ឌ ថាគាត់ចង់វាយជាមួយ Floyd ចំនួន១២ទឹក ក្នុងនោះ១១ទឹកគឺវាយប្រដាល់សកល ចំណែកឯ១ទឹកចុងក្រោយគឺវាយលក្ខណៈ MMA។
Floyd វ័យ៤៣ឆ្នាំ ធ្លាប់ផ្ដួលជើងខ្លាំងប្រចាំស្ថាប័ន UFC ម្នាក់រួចទៅហើយគឺកីឡាករ Conor McGregor ដែលជាការប្រកួតលក្ខណៈប្រដាល់សកល កាលពីខែមិថុនា ឆ្នាំ២០១៧។ ហើយកាលពីខែមុន អ្នកប្រដាល់សញ្ជាតិអាមេរិកបានបោះសម្ដីថា ចង់ប្រកួតជាមួយនឹង McGregor ម្ដងទៀត រួមជាមួយនឹងជើងខ្លាំង Khabib ក្នុងថ្ងៃតែមួយតែម្ដង។
ឆ្លើយតបទៅនឹងពាក្យសម្ដីរបស់ Floyd អ្នកប្រដាល់ MMA កីឡាករ Khabib បាននិយាយក្នុងកម្មវិធី TMZ Sports យ៉ាងដូច្នេះថា៖
Floyd ធ្វើបែបនេះ គ្រាន់តែចង់បានការទាក់ទាញនៅលើប្រព័ន្ធផ្សព្វផ្សាយប៉ុណ្ណោះ។ បើតាមដឹងគាត់ដូចជាមានអាយុ ៤៨-៤៩ ឆ្នាំទៅហើយ ណាមួយវ័យរបស់គាត់សឹងតែធ្វើជាឪពុករបស់ខ្ញុំបាន ដូច្នេះវាពិតជាពិបានស្រមៃណាស់នៅពេលខ្ញុំដាល់មុខរបស់គាត់។
កីឡាករ Khabib បន្ថែមទៀតថា៖ ប្រសិនបើគាត់ចង់ប្រកួត ឲ្យគាត់មក UFC មក។ កន្លែងនេះទើបជាកន្លែងវាយគ្នាពិតប្រាកដ ព្រោះខ្ញុំមិនមែនជាកីឡាករប្រដាល់សកល ហើយក៏មិនមែនជាអ្នកបោកចំបាប់ដែរ ខ្ញុំគឺជាអ្នកប្រយុទ្ធ MMA។ ដូច្នេះប្រសិនបើគាត់ចាប់អារម្មណ៍ ពួកយើងអាចធ្វើកាប្រកួតបាន ដោយវាយសកល១១ទឹក និង១ទឹកទៀត វាយ MMA ហើយបើគាត់យលព្រមលក្ខណ្ឌនេះ ខ្ញុំនឹងធ្វើការប្រកួត៕