ប្រទេសអង់គ្លេស៖ Jermaine Jenas បានជម្រុញឱ្យក្លឹបបិសាចក្រហម Man Utd ចុះហត្ថលេខានាំយក អតីតខ្សែការពារ ក្រុមមាន់ខ្នាយមាស Tottenham បន្ទាប់ពីខ្សែការពារជើងចាស់ Jan Vertonghen កិច្ចសន្យារបស់គេអស់សុពលភាពជាមួយក្លឹប និងស្ថិតក្នុងការផ្ទេរដោយគ្មានតម្លៃខ្លួន។
អតីតខ្សែបម្រើក្រុមជម្រើសជាតិអង់គ្លេស Jenas ជឿជាក់ថាបិសាចក្រហម Man United គួរតែទាញ យកឪកាសនេះនាំយក Vertonhen មករួមក្រុម។ គាត់បានប្រាប់គេហទំព័រ BBC ថាៈ ខ្ញុំនៅតែព្យាយាមជួយផ្សព្វផ្សាយពីគាត់ ហើយប្រសិន Man Utdដាក់អោយគាត់ចាប់ដៃគូជាមួយ Harry Maguire អោយមកលេងនៅ ផ្នែកខាងស្តាំ ហើយគាត់ Vertonhen នៅផ្នែកខាងឆ្វេងនោះជារឿងមួយល្អបំផុត។
កីឡាករអន្តរជាតិបែលហ្ស៊ិក Vertonghen វ័យ៣៣ឆ្នាំ បានចំណាយពេល ៨ ឆ្នាំជាមួយក្លឹប Spurs ដោយលេងបានជាង ៣០០ ប្រកួតសម្រាប់ក្លឹប ក្រោមការដឹកនាំរបស់អតីតគ្រូបង្វឹកលោក Mauricio Pochettino និងធ្លាប់បានជួយក្លឹបឈានដល់វគ្គផ្តាច់ព្រ័ត្រ Champions League កាលពីរដូវកាលមុន។ Vertonghen បានបញ្ជាក់ពីការចាកចេញរបស់គាត់ពីក្លឹបនៅភាគខាងជើង ទីក្រុងឡុងដ៍បន្ទាប់ពីបង្ហាញខ្លួនក្នុងការប្រកួតចុងក្រោយនៃក្របខ័ណ្ឌ Premier League ពេល Tottenham ស្មើជាមួយCrystal Palace ខណៈបច្ចុប្បន្ននេះអតីតកីឡាករក្លឹបAjaxរូបនេះនៅមិនទាន់អាចស្វែងរកក្លឹបថ្មីបាននៅឡើយទេ៕
ប្រភពព័ត៍មាន៖ Metro
