ប្រទេសអង់គ្លេស៖ គេហទំព័រ Daily Mail បានចុះផ្សាយថាក្រុមមាន់ខ្នាយមាស Tottenham របស់លោកJose Mourinho បានផ្តល់សំណើរចរចារចុះហត្ថលេខានាំយកខ្សែប្រយុទ្ធជើងចាស់អង់គ្លេសកីឡាករ Troy Deeney ពីសំណាក់ក្លឹបWatford បន្ទាប់ពីពួកគេធ្លាក់ចេញពីក្របខ័ណ្ឌ Premier Leagueនៅលេងនៅលីកលំដាប់ទី២ Championship នៅរដូវកាលក្រោយ បន្ទប់ពីបរាជ័យថ្ងៃបិទរដូវកាលជាមួយ កាំភ្លើងធំ Arsenal។
Watfordបានទទួលសំណើរខាងលើកាលពីថ្ងៃសៅរ៏បន្ទាប់ពីTottenham ខ្លួនឯងបានអនុញ្ញាតិ អោយ កីឡាករ Troy Parrott ចូលរួមជាមួយក្លឹបMillwallក្នុងលក្ខណ្ឌខ្ចីជើងផងដែរនោះ។
ទោះយ៉ាងណាSpurs មានចេតនាចង់ខ្ចីជើងកីឡាករវ័យ៣២ឆ្នាំរូបនេះ ក៏ប៉ុន្តែក្លឹបWatfordខ្លួនឯងមានបំណងចង់លក់កីឡាករដែលចំណាយពេលជាមួយក្លឹប១ទសវត្សរូបនេះចេញ ព្រមទាំងកីឡាករដែលមានប្រាក់ពលកម្មខ្ពស់ដើម្បីកាត់បន្ថយលើការចំណាយ។គួរបញ្ជាក់ថាកិច្ចសន្យារបស់ Deeneyនិងផុតកំណត់ជាមួយក្លឹបនៅចុងបញ្ចប់នៃរដូវកាល២០២០ -២០២១ខាងមុខនេះហើយ៕
ប្រភពព័ត៍មាន៖ DailyMail