បរទេស៖ អតីតអ្នកចាំទីក្រុម Burnley និង Manchester City កីឡាករ Joe Hart និងចូលរួមជាមួយក្រុមមាន់ខ្នាយមាស Tottenham ក្នុងការផ្ទេរដោយគ្មានតម្លៃខ្លួន (Free Transfer) បន្ទាប់ពី កីឡាករអន្តរជាតិអង់គ្លេសរូបនេះ បានចាកចេញពីក្រុម Burnley ក្រោយពេលកិច្ចសន្យារបស់ខ្លួនអស់សុពលភាពនៅថ្ងៃទី ៣០ ខែមិថុនា កន្លងទៅ។
គួររំលឹកថាកីឡាករវ័យ ៣៣ ឆ្នាំរូបនេះ មិនស្ថិតក្នុងបញ្ជីប្រើប្រាស់ រឺ ធ្លាក់ចេញពីការ ពេញចិត្តបន្ទាប់ពីលោក Pep Guardiola បានចូលមកដឹកនាំនៅកីឡាដ្ឋាន Etihad Stadium កំលុងឆ្នាំ ២០១៦ មុនពេលរូបគេត្រូវក្លឹបនៅអ៊ីតាលីគឺ Torino និង West Ham ខ្ចីជើង ហើយបន្តផ្លាស់ទៅចូលរួមជាមួយ Burnley នៅឆ្នាំ ២០១៨ ។
ជាមួយក្លឹប Burnley ក៏បានបន្តបាត់បង់តំណែងដៃទី១ ទៅអ្នកចាំទី Tom Heaton នៅពាក់កណ្តាលរដូវកាលដំបូងនៃកិច្ចសន្យារយៈពេលពីរឆ្នាំហើយរដូវកាលចាស់ ២០១៩-២០២០ Hartបានត្រឹមអង្គុយកៅអីបម្រុងបន្ទាប់ពីកីឡាករ Nick Pope ប៉ុណ្ណោះ ។ បន្ទាប់ពីឆ្លងកាត់កាតការពិនិត្យសុខភាពដោយជោគជ័យ Hart ក៏និងត្រូវប្រកួតប្រជែងជាមួយអ្នកចាំទីអាហ្សង់ទីន Paulo Gazzaniga ដើម្បីប្រជែងតំណែងដៃទី២បន្ទាប់ពីអ្នកចាំទីដៃទី១ Hugo Lloris នៅឯកីឡាដ្ឋាន London Stadium ផងដែរនោះ។
ប្រភពព័ត៍មាន៖ BBC